سروسز ہسپتال لاہور میں بیماریاں ٹھیک کرنے کی بجائے بیماریاں پھیلانے لگا، عوام سراپا احتجاج

سیوریج کا پانی وارڈ میں داخل ہسپتال بیماریاں پھیلانے کا سبب بن گیا۔

 

 

لاہور (اعتماد ٹی وی) ہسپتال یوں تو بیماریوں کے علاج کے لئے بنائے جاتے ہیں لیکن گندگی اور صفائی کے ناقص انتظام کے باعث یہ بیماریاں پھیلانے کا سبب بھی بنتے ہیں ۔

 

 

ایسے میں اگر سیوریج کا پانی بھی ہسپتال وارڈز میں پھیل جائے تو مریض کی صحت بہتر ہونے کے بجائے دوبارہ خراب ہو جاتی ہے۔

 

 

سروسز ہسپتال جو کہ لاہور کے بڑے ہسپتالوں میں سے ایک ہے یہاں او پی ڈی کی سوریج لائن بند ہونے کی وجہ سے سارا گندا پانی ہسپتا ل کی تیسری اور پانچویں منزل پر موجود وارڈز پر پھیل گیا ۔

 

 

ذرائع کے مطابق، سیوریج کے پانی بچوں کے آئی سی یو اور واڈز میں بھر گیا جس کی وجہ سے مریضوں کے ساتھ آئے لواحقین کو شدید مشکلات کا سامنا کرنا پڑا۔

 

 

مریضوں کا انتظامیہ سے سوال کہ آئی سی یو میں سیوریج کا پانی بچوں کے لیا کتنا خطرناک ہے؟ مریض پہلے ہی زندگی و موت کی کشمکش میں ہیں اور انتظامیہ کی ایسی لاپروائی۔

 

 

انتظامیہ نے سیوریج کا پانی نکالنے کے لئے کام شروع کر دیا ہےاور کہا کہ جلد اس صورتحال سے کو بہتر کر لیا جائے گا۔ لیکن سیوریج کا بند ہونے کی وجہ ظاہر نہیں کی گئی۔ کیا ہسپتال کی صفائی کا انتظام غیر ذمہ دار لوگوں کے ہاتھ میں ہے۔

 

 

لواحقین کا کہنا ہے کہ مسلم لیگ ن کے دور میں شہباز شریف نے ہسپتالوں کی سروسز کو بہت بہتر کیا تھا اور ہر ہسپتال کو وارننگ دی گئی تھی اور گندگی کا نام و نشان تک نہیں تھا۔