پاکستانی اداکار بھی اب ہالی وڈ میں نظر آئینگے، پاکستانی فلم انڈسٹری کی بڑی کامیابی

اب لالی ووڈ کے اداکار ہالی ووڈ میں بھی کام کریں گے۔

 

 

لاہور ( اعتماد ٹی وی ) پاکستان کے مشہور ماڈل و اداکار فواد خان نے اس بات کی تصدیق کی ہے کہ وہ ہالی ووڈ سیریز “مس ماروول ” میں کردار ادا کریں گے یہ کردار فلیش بیک سین کا ہوگا ۔

 

 

ڈزنی پلس نے سپر ہیروز پر مشتمل بہت سے فلمیں بنائی ہیں جن میں کیپٹن امریکہ ، تھور ، گارڈین آف گلیکسی اور بھی دیگر فلمیں شامل ہیں۔ اس طرح اب ا ن کی نئی فلم مس ماروول کی شوٹنگ جاری ہے ۔ فواد خان نے اپنی تصویر کے ساتھ یہ پیغام شائع کیا ہے کہ مس ماروول کا حصہ بننا میرے لئے ایک زبردست تجربہ ہے۔

 

 

ذرائع کے مطابق، فواد خان کے ساتھ ساتھ پاکستان کی اداکارہ مہوش حیات کو بھی مس ماروول کے لئے چنا گیا ہے ۔ مہوش حیات بھی فواد خان کے ساتھ مس ماروول کا فلیش بیک سین کرتی نظر آئیں گی۔

 

 

مس ماروول کے فلیش بیک سین میں مس ماروول کے پردادا حسن کا کردار فواد خان جبکہ پردادی عائشہ کا کردار مہوش حیات کریں گی۔

 

 

فواد خان اور مہوش حیات کی جانب سے تاحال کرداروں کے حوالے سے کوئی تصدیق نہیں کی گئی۔ فواد خان نے بھی صرف مس ماروول کاسٹ کا حصہ بننے کا بیان دیا تھا ۔ اس سلسلے میں مزید تفصیل نہیں دی گئی ۔

 

 

برطانوی صحافی ہارون رشید جو برطانوی نشریاتی ادارے سے تعلق رکھتے ہں انھوں نے مائیکروبلاگنگ ویب سائٹ پر ٹوئٹ کیا کہ ڈزنی پلس سیریز “مس ماروول” ماروول اسٹیوڈیوز کے پہلے مسلم کرداروں سے متعلق ہے۔

 

 

اب تک کسی بھی کردار کا تعلق مسلمان کمیونٹی سے نہیں دکھایا گیا تھا۔ صحافی نے اس بات پر خوشی کا اظہار کیا ہے کہ زبردست ! فواد خان اب مس ماروول میں اپنی اداکاری کے جوہر دکھائیں گے۔