طلبہ کے لئے الٹی میٹم جاری ، امتحانات سے متعلق بڑا فیصلہ۔

لاہور (اعتماد ٹی وی) پنجاب ایجوکیشن فاؤنڈیشن نے تعلیمی امتحانات سے متعلق اہم فیصلے کر لئے ہیں۔ گزشتہ دو سالوں سے کرونا کے باعث امتحانات ملتوی کر دئے جاتے تھے اور لاہور بورڈ نے کرونا حفاظتی اقدامات کی مد میں اس امتحانات لئے بغیر نتائج دے کر تمام طلباء و طالبات کو پاس کر دیا۔

 

 

لیکن اب اس ضمن میں مزید فیصلے کئے گئے ہیں۔ رواں سال 2022 میں کرونا پر قابو پانے کے بعد پنجاب فاؤنڈیشن نے فیصلہ کیا ہے کہ وہ امتحانات لے کر ہی نتائج کا اعلان کریں گے ۔ امتحانات کا یہ سلسلہ چھوٹی جماعتوں سے شروع کیا جائے گا۔

 

 

دوسری جماعت سے پانچویں جماعت کے امتحان کا شیڈول جاری کر دیا گیا ہے اور اس میں طلبہ کو اردو اور انگریزی زبان میں پرچہ حل کرنے کی سہولت دی جائے گی ۔اس کے ساتھ ساتھ پیف حکام نے بھی پیف سے منسلک سکولوں کے طلباء کا کوالٹی انشورنس امتحان لینے کا اعلان کیا ہے۔ کوالٹی انشورنس کا امتحان دس مارچ کو لیا جائے گا۔

 

 

پنجاب ایجو کیشن فاؤنڈیشن نے سکولوں میں زیر تعلیم بچوں سے4 مضامین کے امتحان لینے کا فیصلہ کیا ہے جس میں انگریزی ، اردو،جنرل نالج اور ریاضی کے مضامین شامل ہیں۔ تاحال کرونا پابندیوں کی وجہ سے دوئم جماعت تا بارھویں جماعت کے25 فیصد طلبا ء کا امتحان لیا جائے گا اورپیف کے یہ سکول امتحانات 31 مارچ 2022 تک جاری رہیں گے۔ ۔