گورنر پنجاب چوہدری محمد سرور کا لاہور میں پاکستان کے منفرد شو “انجینئرنگ اینڈ ہیلتھ کئیر شو” کا افتتاح۔

لاہور (اعتماد ٹی وی) گورنر پنجاب چوہدری محمد سرور کا لاہور میں ایکسپو سنٹر میں قائم ہونے والے “انجینئرنگ اینڈ ہیلتھ کئیر شو” کا افتتاح۔

 

 

تفصیلات کے مطابق، “انجینئرنگ اینڈ ہیلتھ کئیر شو” ایکسپو سنٹر لاہور میں ٹر یڈ ڈویلپمنٹ اتھارٹی کی سربراہی میں قائم کیا گیا۔

 

 

اس موقع پر گورنر پنجاب چوہدری محمد سرور نے مختلف سٹالز کا بھی دورہ کیا، جہاں پر گورنر پنجاب کو مختلف مصنوعات پر بریفنگ بھی دی گئی۔

 

 

میڈیا سے گفتگو کے دوران، چوہدری محمد سرور نے اس شو میں آئے ملکی و غیر ملکی عوام الناس کو خوش آمدید کرنے کے ساتھ ساتھ غیر ملکی سرمایہ کاروں کو یقین دلاوایا کہ وہ پاکستان میں سرمایہ کاری محفوظ سمجھ سکتے ہیں اور ان کے تمام مسائل ون ونڈو آپریشن کے تحت ترجیحی بنیادوں پر حل کئے جائینگے۔

 

 

ان کا مزید کہنا تھا کہ پاکستان میں اس نوعیت کا یہ پہلا شو منعقد ہو رہا ہے جو کہ بہت خوش آئین بات ہے اور اس طرح ٹیکسٹائل سمیت دیگر شعبوں میں پاکستان ترقی کر کے اچھا زرمبادلہ کمائے گا۔

 

 

چوہدری محمد سرور کے مطابق ان کا دنیا میں دورے کا مقصد صرف اور صرف پاکستان کی فلاح ہوتا ہے۔ اس سلسلے میں آپ کو بتاتے چلے کہ ان کی درخواست پر امریکہ نے پاکستان کو پی فائزر کرونا سے بچاو کی ویکسین عطیہ کی ہے۔

 

 

انہوں نے بتایا کہ کرونا وبا کے باوجود پاکستان کی درآمدات میں اضافہ ہوا ہے جو کہ انتہائی خوش آئین بات ہے۔ ان کا کہنا تھا کہ پاکستان ٹیکسٹائل میں کامیابی کے ساتھ ہی ترقی کی راہ پر گامزن ہو سکتا ہے۔