پاک آرمی نے دنیا میں مثال قائم کر دی، ہندوستان کو منہ کی کھانی پڑی۔ پاکستان کا نام پوری دنیا میں روشن۔۔

اسلام آباد (اعتماد ٹی وی) پاکستان میں اقلیتوں کو برابر کے حقوق حاصل ہیں۔ اس بات کا ثبوت پاک آرمی میں ملتا ہے۔ اقلیتوں سے تعلق رکھنے والے لوگ پاکستان میں مختلف شعبہ زندگی میں نمایاں خدمات انجام دے رہے ہیں۔ پاک فوج میں ہندو افسر کیلاش کمار کو لیفٹیننٹ کرنل کے عہدے پر ترقی دی گئی ہے وہ پاک فوج میں اس عہدے تک پہنچنے والے پہلے ہندو افسر بن گئے ہیں۔

 

پاک فوج میں لیفٹیننٹ کرنل کے عہدے پر ترقی پانے والے کیلاش کمار کا تعلق تھر سے ہے۔ ڈاکٹر کیلاش کمار 1981 میں سندھ کے ضلع تھرپارکر میں پیدا ہوئے۔ انہوں نے 2008 میں آرمی میں کمیشن حاصل کیا۔ وفاقی وزیر برائے اطلاعات و نشریات فواد چوہدری نے کیلاش کو مبارکباد دیتے ہوئے کہا کہ کیلاش کمار ہمارا فخر ہیں۔

 

لیفٹیننٹ کرنل ڈاکٹر کیلاش کمار کے علاوہ لیفٹیننٹ کرنل ڈاکٹر انیل کمار نے بھی حال ہی میں ترقی پائی ہے۔لیفٹیننٹ کرنل ڈاکٹر انیل کمار کا تعلق بدین سے ہے اور وہ 1981 میں پیدا ہوئے۔ انہوں نے 2007 میں آرمی میں کمیشن حاصل کیا۔

لیفٹیننٹ کرنل کیلاش کمار کو سوشل میڈیا پر بہت سراہا جا رہا ہے اور اسے ملک میں اقلیتوں کے لیے اچھی خبر قرار دیا جا رہا ہے۔

 

 

پاکستان کی پہلی ہندو خاتون سینیٹر کرشنا کماری نے پاک فوج میں ہندو افسران کی ترقی پر تبصرہ کرتے ہوئے کہا کہ پاکستان آرمی میری آرمی ہے۔ پاکستان زندہ باد۔۔

 

سوشل میڈیا صارفین نے بھی خوشی کا اظہار کرتے ہوئے کہا ہے کہ سی طرح پاکستان ترقی کرے گا۔ مسلمان، مسیحی، ہندو، سکھ۔ پارسی سمیت سب پاکستانی زندہ باد۔۔ صارفین کا ماننا ہے کہ ہر پاکستانی کو برابر کے حقوق ملنے چاہئیں۔ چاہے ان کا کوئی بھی رنگ، نسل مذہب یا علاقہ ہو۔