عمران خان کی پارٹی اقتدار میں کیا آئی گویا مہنگائی کو ہی اقتدار مل گیا۔ تیل، گھی اور سبزیوں کی قیمت میں اضافے کے بعد دودھ کی بھی قیمت میں بھی ہوشربا اضافہ ہو گیا۔

لاہور (اعتماد ٹی وی) عمران خان کی پارٹی اقتدار میں کیا آئی گویا مہنگائی کو ہی اقتدار مل گیا۔ عمران خان جو کنٹینر پر کھڑے ہو کر مہنگائی کرنے والے حکمران کو چور کہتے تھے آج خود بھی مہنگائی کو روکنے میں نا کام ہیں ۔

 

 

ہر دن مہنگائی میں اضافہ ہو رہا ہے۔ کبھی پیٹرول کی قیمت آسمان کی بلندیوں تک پہنچ رہی ہے تو کہیں بجلی کی ۔ آٹا مہنگا ہونے کی خبر شائع ہوئی تھی کہ گھی آٹے سے پہلے مہنگا ہوگیا۔

 

 

اب اس مہنگائی میں ڈیری کیٹل اینڈ فارم ایسوسی ایشن نے بھی حصہ لے لیا ہے اور اعلان کیا ہے کہ یکم مارچ سے دودھ کی قیمت میں اضافہ ہوگا۔

 

 

شاکر عمر گجر (مرکزی صدر) نے اس سلسلے میں پورا تخمینہ شائع کیا ہے کہ فارم گیٹ پر دودھ کی لاگت 177.70 روپے تک آتی ہے جس میں 17.77 روپے کا نفع ہوتا ہے اگر اس کو جمع کیا جائے تو مجموعی طور پر اس کی قیمت 195 فی لیٹر بن رہی ہے اور یہ سراسر ناانصافی ہے ۔ ہم سستا دودھ کیسے بیچیں ؟

 

 

ڈیری اینڈ فارم کیٹل ایسوایشن کے صدر نے مزید بتا یا کہ حکومت ہمیں کوئی سہولت نہیں دے رہی ۔ اگر منسٹری آف کامرس اجناس کی برآمدگی پر پابندی ختم کرے اور درآمد شدہ اجناس پر 17 فیصد سیلز ٹیکس بھی ہٹا دے تو ہی دودھ کی لاگت میں کمی ہو گی اور ہم سستا دودھ مہیا کر سکیں گے ۔

 

 

محمد خان بھٹی جوکہ ڈیری کیٹل فارمر لاہور کے صد ر ہیں انھوں نے اعلان کیا ہے کہ عوام کا خیال کرتے ہوئےپہلے مرحلے میں 30 روپے کا اضافہ کیا جائے گا ۔ اور ماہ رمضان کے بعد مزید رقم کے اضافے کے بعد دودھ 170 روپے فی لیٹر مہیا کیا جائے گا۔