عدالت کے ساتھ ساتھ عوام بھی متحرک، کراچی میں پارکوں کی رونقیں بحال کرنے کے لئے عوام سامنے آگئی۔

علاقے کے پارکس کو خوبصورت بنانے کے لئے علاقہ مکین پرجوش ۔

 

 

کراچی (اعتماد ٹی وی) کراچی میں قبضہ مافیا کی وجہ سے پارکس کی حالت بہت خراب ہے لیکن علاقہ مکین نے اس سلسلے سے اہم اقدامات کئے ۔ کراچی کے علاقے دستگیر میں کئی خوبصورت پارکس موجود تھے جس کو تفریح کی مقصد سے عوام استعمال کر تی تھی ۔ لیکن آہستہ قبضہ مافیا نے ان پارکس پر قبضہ کر کے اپنی اجارہ داری قائم کر لی اور ان پارکس کو کاروبار کا ذریعہ بنا لیا۔

 

 

جیسا کہ شادی ہالز میں شادیاں اور محفلیں منعقد کی جاتی تھیں اس طرح پارکس کو بھی قبضہ مافیا نے اس کاروبار کا حصہ بنا لیا اور پارکس کی بکنگ شروع کر دی ۔ شادیوں اور مختلف تہوار وں کے لئے ان کو پارکس کو استعمال کیا جانے لگا جس سے پارکس کی خوبصورتی ختم ہو گئی۔

 

 

اور وہاں مٹی کا میدان نظر آنے لگ گیا۔ بارہ دری پارک بھی تقریباً 15 سال تک اس مقصد کے لئے استعمال کیا جا تا رہا۔

 

 

عدالت نے اس سلسلے میں احکامات جاری کیے ہیں اور پارکس کو قبضہ مافیا سے چھین کر یہاں شادی وغیرہ کے لئے استعمال پر پابندی عائد کر دی ہے۔ عدالت نے پارکس کی حالت درست کرنے کا حکم دیا ہے۔ اس کام میں انتظامیہ کے ساتھ ساتھ اہل محلہ نے بھی پرجوشی سے کام کیا ۔

 

 

بارہ دری پارک کے قریب رہائشیوں نے اہل محلہ کے تعاون سے بارہ دری پارک کے لئے نہ صرف خطوط لکھ انتظامیہ کو مطلع کیا بلکہ اہل محلہ نے مل کر پارک میں ایک چھوٹی لائبریری کا بھی انعقاد کیا ہے۔ اور پارک کی تزئین و رہائش بھی کی ۔ لائبریری کے قیام کے لئے انتظامیہ کا تعاون حاصل کیا۔

 

 

اہل محلہ نے مزید کہا کہ اب بارہ دری پارک کے قریب موجود فُٹ بال میدان کو بھی بہتر حالت میں لانے کی کوشش جاری ہے۔ جلد ہی وہ بھی اپنی اصلی حالت میں لوٹ آئے گا۔