“برائلر 31 روپے97 پیسے فی کلو، ٹماٹر 4 روپے 83 پیسے فی کلو” روس اور یوکرائن کے عالمی تنازع کے بعد پاکستان میں مہنگائی کا نیا طوفان بڑھپا

ملک میں مہنگائی کی شرح 15.90 فیصد ہوگئی ۔

 

 

اسلام آباد (اعتماد ٹی وی) روس یو کرین عالمی تنازع کے باعث مہنگائی بے قابو ، پیٹرولیم مصنوعات کے بعد اشیائے خوردونوش کی قیمتوں میں اضافہ ہوگیا ہے۔ جس کی وجہ سے پاکستان میں مہنگائی کی شرح 15.90 فیصد ہو گئی ہے ۔

 

 

گزشتہ ایک ہفتے کے دوران برائلر مرغی، سرسوں کا تیل ، آٹا ، دہی ، دودھ ، گھی ، ٹماٹر ، مٹن اور چاول سمیت مزید 20 اشیا ء کی قیمتوں میں اضافہ وفاقی ادارہ شماریات نے ریکارڈ کیا ہے۔

 

 

اس رپورٹ میں بتایا گیا کہ برائلر مرغی 31 روپے 97 پیسے فی کلو اور ٹماٹر 4 روپے 83 پیسے فی کلو اضافہ ہوا ہے۔ اس کے برعکس اڑھائی کلو گھی کے ڈبے کی قیمت میں 5 روپے 38 پیسے کا اضافہ کیا گیا ہے۔

 

 

اسی اعدادو شمار سے پتہ چلتا ہے کہ 20 کلو آٹے کا تھیلا ا روپے 21 پیسے مہنگا ہے۔ اس کے علاوہ مٹن ، دودھ ، دہی اور ٹوٹہ چاول کی قیمتوں بھی اضافہ ہوا ہے۔

 

 

جن اشیائے ضروریہ کی قیمتوں میں کمی ہوئی ہے ان میں لہسن ، پیاز ، آلو ، انڈے ، دال ماش ، دل مسور اور گُڑ شامل ہیں۔ اس کے علاوہ بچوں کے دودھ اور بریڈ کی قیمتوں میں نہ تو کمی دیکھی گئی نہ ہی اضافہ۔