آپریشن سوئفٹ ریٹارٹ کے تین سال مکمل ہونے پر وزیراعظم عمران خان کی طرف سے اہم پیغام۔

آپریشن سوئفٹ ریٹارٹ کے تین سال مکمل ہونے پر وزیراعظم عمران خان کی جانب سے سوشل میڈیا پر ایک پیغام جاری کیا گیا ہے۔

 

 

وزیراعظم عمران خان نے آپریشن سوئفٹ ریٹارٹ کے تین سال مکمل ہونے پر ایک بار پھر بھارت کو پیغام دیا ہے کہ تنازعات کے حل کے لیے میں ہمیشہ ڈائیلاگ اور سفارتکاری پر یقین رکھتا ہوں۔

 

 

وزیراعظم کا کہنا تھا کہ پاک فوج کسی بھی فوجی جارحیت کا عوام کی حمایت سے ہر سطح پر بھرپور جواب دے گی، ہم مادر وطن اور قوم کے دفاع کے لیے پرعزم اور ثابت قدم ہیں۔

 

 

آئی ایس پی آرکے مطابق آپریشن سوئفٹ ریٹارٹ دفاع وطن کیلئے افواج کی پیشہ ورانہ مہارت کا ثبوت ہے ۔ بھارتی جارحیت کا منہ توڑ جواب دینے کے 3 سال مکمل ہو گئے ہیں

 

 

عمران خان نے اپنی ٹوئٹ میں لکھا کہ تنازعات کے حل کے لیے ہمیشہ ڈائیلاگ اور سفارت کاری پر یقین رکھتا ہوں، ڈائیلاگ کی خواہش کو کمزوری کی علامت نہیں سمجھنا چاہیے۔ وزیراعظم نے ایک اور ٹویٹ میں کہا کہ اپنے ملک اور اپنی قوم کی سلامتی کے لیے ہمارا عزم غیر متزلزل ہے۔

 

 

ان کا مزید کہنا تھا کہ سفارت کاری سے تنازعات کے حل کا اظہار بھارت کو 27 فروری 2019 کے حملے کے دن بھی کیا جب بھارت نے ہم پر حملہ کرنا چاہا۔