پيپلزپارٹی کی سینیٹر شيری رحمان مارچ کے دوران حادثے کا شکار۔۔

پيپلزپارٹی کی حکومت مخالف مارچ میں شریک سینیٹر شيری رحمان حادثے سے بال بال بچ گئيں۔

 

 

بلاول بھٹو زرداری کے لئے خصوصی ٹرک میں سوار شيری رحمان ٹرک پر کھڑی تھيں کہ برج لگتے لگتے بچا۔ شيری رحمان اور برج ميں چند انچ کا فاصلہ تھا۔

 

 

زرائع کے مطابق شیری رحمن ٹرک پر کھڑی رہتی ہیں اچانک سے برج آجاتا ہے، شيری رحمان نے سر نيچے کيا اور گاڑی برج کے نيچے سے گزری۔ شیری رحمن کو ٹرک میں سوار جیالے سے لپٹ کر نیچے کیا۔

 

 

اس سے قبل کراچی میں عوامی مارچ کے آغاز پر مزار قائد کے باہر کارکنوں سے خطاب میں پاکستان پیپلزپارٹی کے چیئرمین بلاول بھٹو زرداری کا کہنا تھا کہ سلیکٹڈ نےعوام کے ووٹ اور پیٹ پر ڈاکا مارا، کٹھ پتلی کے گھر جانے کا وقت آگیا، ہمارا عوامی مارچ حکومت کے خلاف اعلان جنگ ہے۔

 

ہمارا یہ سفر قائد اعظم کے شہر کراچی سے شروع ہو رہا ہے۔ کراچی منی پاکستان ہے جہاں ہر صوبے اور ہر زبان کے بولنے والے بستے ہیں۔

 

واضح رہے کہ پیپلزپارٹی کے لانگ مارچ کا آخری پڑاؤ راولپنڈی میں ہوگا، جہاں پیپلزپارٹی آج بھی جلسہ منعقد کرے گی۔