بلاول بھٹو زرداری کے چہرے پر کس چیز کا خوف ہے، وفاقی وزیر علی زیدی نے سب بتا دیا۔

وفاقی وزیر برائے بحری امور و صدر پی ٹی آئی سندھ علی زیدی نے کہا ہے کہ بلاول زرداری سیاسی نابالغ ہے ان کے لئے وزیر اعظم بننا بچوں کا کام نہیں۔

 

 

وفاقی وزیر علی زیدی نے بلاول زرداری کی تقریر پر رد عمل دیتے ہوئے کہا کہ سندھ حقوق مارچ کا خوف بلاول کے چہرے پر عیاں ہے سندھ حقوق مارچ کی کامیابی دیکھ کر بلاول کا بی پی ہائی ہو گیا۔

 

 

علی زیدی نے کہا کہ بلاول زرداری کو ایک اچھے معالج کی ضرورت ہے ناچ ناچ کربھٹو کی برسی منانےوالےعمران خان کوحکومت کرنہ سکھائیں، بلاول جتنا چاہے ایڑی چوٹی کا زور لگالے، عمران خان اپنی مدت پوری کرکے رہیں گے۔

 

 

ان کا کہنا تھا کہ 2023میں بھی پی ٹی آئی کامیاب ہو گی انشا اللہ بلاول کو بڑے ہونے تک انتظار کرنا ہو گا۔ بلاول بے مقصد باتیں کرکےعوام کو گمراہ نہیں کر سکتے۔ ان سے حساب تو اب سندھ کی عوام لے گی۔

 

 

وفاقی وزیر نے کہا کہ بلاول زرداری سیاسی نابالغ ہےوزیر اعظم بننابچوں کاکام نہیں بلاول زرداری کا مارچ آغاز سے ہی ناکام ہوچکا ہے ایسا لگتا ہے پنجاب پہنچنے سے پہلے بلاول اکیلےرہ جائیں گے یہ شوق سے مارچ کریں، عوام ان کی حقیقت جانتے ہیں۔