عثمان بزدار کے بیان سے اپوزیشن کی صفوں میں ہلچل مچ گئی۔

وزیراعلیٰ پنجاب عثمان بزدار کا کہنا ہے کہ لانگ مارچ کے دعویدارشارٹ مارچ بھی نہیں کرسکے۔ وزیراعلیٰ عثمان بزدار نے کہا ہے کہ وزیراعظم عمران خان نے مہنگائی کے خلاف ‘لانگ مارچ’ کا اعلان کر کے عوام کے دل جیت لئے، یہ ہے وہ تبدیلی جو کپتان لا رہا ہے۔

 

وزیراعلی پنجاب عثمان بزدار نے اپنے بیان میں کہا کہ پٹرول، ڈیزل اور بجلی سستی کر کے عوام کو حقیقی ریلیف دیا گیا ہے، پاکستان کی تاریخ میں پہلی بار پٹرول، ڈیزل اور بجلی کی قیمتوں میں ریکارڈ کمی کا اعزاز پی ٹی آئی حکومت کو حاصل ہوا ہے، پٹرول، ڈیزل اور بجلی سستی ہونے سے دیگر اشیاء ضروریہ بھی سستی ہوں گی۔

 

ان کا مزید کہنا تھا کہ عدم اعتماد کی باتیں کرنے والوں کو ایک دوسرے پر اعتماد نہیں، پاکستان کو مارچ یا عدم اعتماد کے ذریعے آگے نہیں لے جایا جاسکتا۔عثمان بزدار نے کہا کہ اپوزیشن ترقی کے سفر میں رخنہ ڈال رہی ہے، انتشار کی سیاست پاکستان کی یکجہتی کیلئے زہر قاتل ہے۔

 

عثمان بزدار کا کہنا تھا کہ وزیراعظم عمران خان کی قیادت میں عوام کو مزید خوشخبریاں دیں گے، وزیراعظم کا خطاب عوام کے احساس کا آئینہ دار ہے، عمران خان ہی حقیقی عوامی لیڈر ہیں، وزیراعظم نے عوام کو ریلیف دینے کیلئے عملی اقدام کا اعلان کیا۔انہوں نے مزید کہا کہ اپوزیشن کا موجودہ غیر جمہوری طرز عمل ملک و قوم کیلئے نقصان دہ ہے، قوم اپوزیشن رہنماؤں کے منفی رویوں کو جان چکے ہیں۔