4 مہینے کا بڑا ریلیف عوام کے لئے، حکومت کس ذرائع سے پورا کرے گی شوکت ترین کا سوال ؟

اسلام آباد (اعتماد ٹی وی) وزیر اعظم عمران خان نے پیٹرول و بجلی کی قیمتوں میں کمی کے ساتھ ساتھ 4 مہینے تک ان کی قیمتوں میں کوئی اضافہ نہ کرنے کا اعلان کیا ہے۔ وفاقی وزیر خزانہ کے ترجمان کے مطابق یہ فیصلہ بہت سوچ سمجھ کے بعد کیا گیا ہے۔

 

 

وزیر خزانہ شوکت ترین نے بتایا کہ اتنا بڑا ریلیف بغیر کسی فنڈنگ کے نہیں دیا جاسکتا ۔ اس کے لئے کچھ روم پی ایس ڈی پی سے لی جائے گی جبکہ باقی احساس فنڈز کے ذریعے حاصل کی جائے گی۔ اس کے ساتھ ساتھ آئی ایم ایف سے بھی کورونا وباء سے متعلقہ فنڈز لیں گے۔

 

 

وزیر خزانہ نے مزید بتا یا کہ وزیر اعظم نے نے آئی ٹی سیکٹر کے لئے بھی سو فیصد ٹیکس میں چھوٹ دینے کا اعلان کیا ہے اس کے ساتھ ساتھ پاکستا ن 5 سال میں پچاس ارب ڈالر کی آئی ٹی ایکسپورٹ کر ے گا۔

 

 

آئی ٹی پیکچ میں دئیے گئے ریلیف پر وفاقی وزیر آئی ٹی امین الحق نے وزیر اعظم کا شکریہ ادا کیا اور کہا کہ اس فیصلے سے آئی ٹی انڈسٹری کو بہت فائدہ ہو گا اور ملکی معشیت بہتری کی طرف گامزن ہو گی۔ آئی ٹی کمپنیوں سے متعلقہ فری لانسرز کو لین دین میں آزادی حاصل ہو گی ۔

 

 

وزیر خزانہ کے ترجمان کے مطابق اس ریلیف سے حکومت کو کسی قسم کا خسارہ نہیں ہوگا ۔ اس سال حکومتی آمدنی میں اضافہ ہوا ہے اور 300 ارب روپے چار مہینے کے ریلیف دینے کے لئے کافی ہیں ۔

 

 

گزشتہ سال کورونا کی وجہ سے آئی ایم ایف کی جانب سے 1.4 ارب ڈالر کی امداد ملی اس رقم کو اس سے قبل استعمال نہیں کیا گیا اب اس کا بہتر استعمال کیا جائے گا۔