بھارتی سازش ناکام، وزیر داخلہ شیخ رشید نے بھارتی سازش کو بے نقاب کر دیا۔

سازش (اعتماد ٹی وی) وفاقی وزیر داخلہ شیخ رشید کا کہنا ہے کہ بھارت کی سازش ناکام ہوگئی ہے، ہم آسٹریلین ٹیم کو خوش آمدید کہتے ہیں، ٹیم کو سربراہ مملکت کے برابر سیکیورٹی دی گئی ہے۔

 

شیخ رشید نے اپنے بیان میں کہا کہ بھارت ہماری خوشی میں کبھی خوش نہیں ہوا ہے۔ ٹیم کے لیے انتظامیہ، پولیس اور سیکیورٹی فورسز بہترین کام کر رہے ہیں۔

 

 

انہوں نے کہا کہ میں پاک فوج اور تمام اداروں کو خراج تحسین پیش کرنے آیا ہوں، کل بھارت نے بہت مذموم حرکت کی ہے مگروہ کچھ بھی نہیں کرسکتا، ان کی سازشیں ناکام ہوچکی ہیں،پاکستان میں سب ٹیمیں پاکستان آئیں گی، نیوزی لینڈ ٹیم بدقسمتی سے بھارتی سازش کا شکار ہوگئی۔

 

 

وفاقی وزیر نے کہا کہ ہمارے یہاں چھوٹے گاؤں میں جائیں بجلی نہیں ہوگی لیکن کرکٹ ہوگی، وزیراعظم نے بھی سی ڈی اے کو اسلام آباد میں اسٹیڈیم بنانے کی ہدایت کر دی ہے۔ انہوں نے بتایا کہ اسلام آباد میں دنیا کا ماڈرن اسٹیڈیم اور فائیو اسٹار ہوٹل بنا رہے ہیں۔ شیح رشید کا کہنا تھا کہ آسٹریلین ٹیم کو ہماری مہمان نوازی پسند آئے گی۔

 

 

واضح رہے کہ پاکستان کے سیکیورٹی ذرائع نے انسٹاگرام کی ایک پوسٹ کے بارے میں بتایا تھا کہ پاکستان کا دورہ کرنے والی آسٹریلوی کرکٹ ٹیم کے ایک کھلاڑی کی فیملی کو دھمکی آمیز پیغامات موصول ہوئے ہیں جن میں انہیں پاکستان کا دورہ کرنے کی صورت میں مبینہ طور پر سنگین نوعیت کے نتائج بھگتنے کی دھمکی دی گئی ۔