آئل اور چینی کی قیمتوں سے متعلق شیخ رشید کا حکومت کو مشورہ

اسلام آباد (اعتماد ٹی وی) موجودہ حکومت نے کچھ روز قبل تیل اور بجلی کی قیمتوں میں کمی کر عوام کو خوشخبری دی اسکے ساتھ ساتھ آئندہ بجٹ تک ان قیمتوں میں اضافہ نہ کرنے کا بھی عندیہ دیا۔اس خبر سے نہ صرف عوام خوش ہوئی بلکہ وزراء بھی اس حوالے سے بہت پرجوش نظر آ رہے ہیں۔

 

 

وزیر داخلہ شیخ رشید نے بھی غریب آدمی کو دئیے گئے اس ریلیف پر خوشی کا اظہا ر کیا ہے اور کہا کہ عمران خان کی قیادت میں ملک غیر جانبدارانہ پالیسز پر عمل کر رہا ہے۔ ملک کی خارجہ پالیسی بھی غیر جانبدار بنائی جا رہی ہے۔

 

 

اس لئے عوام اور حکمران خود کو منظم رکھیں۔ موجودہ حکومت نے پہلی مرتبہ غریبوں کو ریلیف دیا ہے۔ ویسے تو عمران خان نے کئی ایسے منصوبے شروع کیے ہیں جن میں ہنر مند پروگرام ، احساس فنڈریشن اور ہیلتھ کارڈ شامل ہیں۔

 

 

شیخ رشید نے کہا کہ ا ب حکومت کو کنگ آئل اور چینی کی قیمتوں میں بھی کمی کرنی چاہیے۔ مخالف پارٹیوں کا سب سے بڑا اعتراض مہنگائی ہے اور مہنگائی کو قابو کرنا بہت مشکل ہے ۔ عالمی منڈی میں آئے روز حالات بدل رہے ہیں ۔ ایسے میں ملک میں مہنگائی ہونا لازمی امر ہے۔

 

تحریک عدم اعتماد سے متعلق وزیر داخلہ نے کہا کہ وہ ایک ناکام تحریک ہے ایسی تحریک چلانا کو آسان کام نہیں ہے۔ وزیر داخلہ نے کہا کہ بلاول بھٹو کے مارچ کو مارچ مہینہ ہی سمجھا جائے تو بہتر ہے اور اس مارچ کی منزل 23 مارچ والا دن ہے جو کہ قومی تاریخ میں اہمیت کا حامل ہے اس دن سے پہلے j-17 اور CK-25 پروازوں کی مشقیں کی جائیں گی اور 23 مارچ کو فائنل پریڈ ہوگی ۔