پاکستان کی ڈرامہ انڈسٹری میں پھر سے شادیو ں کا سیزن؟
لاہور (اعتماد ٹی وی) پاکستان کی ڈرامہ انڈسٹری میں جب کوئی ایک اداکارو اداکارا شادی کرتے ہیں تو پھر شادیوں کا ٹرینڈ بن جاتا ہے اور یہ شادیاں لمبے عرصے تک جاری رہتی ہیں۔
ہر دن ایک منفرد تقریب کا اہتمام کیا جاتا ہے۔ اس ٹرینڈ میں مشہور ٹِک ٹاکر بھی شامل ہیں حال ہی میں علی انصاری اور صبور علی کی شادی ہوئی ان کی شادی کا ایک ولیمہ پاکستان میں جبکہ دوسرا بیرون ملک ہوا۔
اسی طرح مشہور ٹک ٹاکر کنول آفتاب و ذولقرنین نے بھی گزشتہ سال کرونا وباء کے دوران محدود مہمانوں کی موجودگی میں مہندی کی رسم کر کے اگلے دن نکاح کیا۔
اور فروری 2022 میں رخصتی کا اہتمام کیا۔ ان کی شادی میں 6 دن کی شادی تھی جس میں میلاد ، قوالی، مایوں ، مہندی ، بارات اور 2 ولیمے شامل ہیں ایک ولیمہ انھوں نے گجرات میں اپنے خاندان میں کیا اور دوسرا مشہور ٹک ٹاکر ز اور اداکاروں کو بلا کر لاہور میں کیا۔
ایسے ہی اُبھرتی ہوئی اداکارہ مریم نفیس نے بھی شادی کا سوچا۔ سال 2021 میں انھوں نے امان احمد سے منگنی کی تھی اور اب انھوں نے پیا گھر سدھارنے کی تیاری کر لی ہے۔
گزشتہ شب مریم نفیس کی شادی کی تقریبات کا آغاز ڈھولک سے ہوا۔ مریم اور ان کے منگیتر امان احمد کے گھر والوں ، دوست و احباب کو تقریب میں مدعو کیا گیا۔ یہ تقریب مریم کی دوست کی طرف سے بطور تحفہ ارینج کی گئی۔
ذرائع کے مطابق شادی کی تقریبات کے لئے مہمانوں کو دعوت دے دی گئی ہے اور کچھ مہمان و رشتے دار دلہن کے گھر پہنچ بھی چکے ہیں۔ ڈھولک کی تقریب کی تصاویر مریم نفیس نے اپنے انسٹا گرام اکاؤنٹ پر شئیر کی ہیں۔مریم نفیس کے منگیتر ناصرف بہترین اداکار ہیں بلکہ فلم انڈسٹری کے مشہور فلم میکر بھی ہیں ۔
