پیپلزپارٹی کے لانگ مارچ کے دوران آصفہ بھٹو زرداری کے زخمی ہو گئیں، چہرے سے خون نکل آیا، تفصیل سامنے آگئی

خانیوال (اعتماد ٹی وی) خانیوال میں پیپلزپارٹی کے لانگ مارچ کی کوریج کرنے والا ڈرون کیمرہ آصفہ بھٹو زرداری سے ٹکراگیا جس سے وہ زخمی ہوگئیں۔ بلاول بھٹو کے سیکیورٹی عملے نے ڈرون آپریٹر کو پکڑلیا۔

 

 

آصفہ بھٹو کو ملتان کے اسپتال لے جایا گیا جہاں انہیں طبی امداد فراہم کی گئی۔ بلاول بھٹو کا موقف تھا کہ انہیں علم نہیں کہ جان بوجھ کر یا غلطی سے کسی چینل کا ڈرون آصفہ کو لگا ہے۔

 

 

ڈرون کیمرا پی پی پی کے مارچ کی کوریج کے لیے استعمال کیا جارہا تھا اور اس دوران یہ واقعے پیش آیا۔ اس وقت خانیوال میں لانگ مارچ کے شرکا نعرے لگارہے تھے۔ ماحول پرجوش تھا۔ اچانک کوریج کے دوران آصفہ بھٹو چہرے پر ڈرون کیمرہ لگنے سے زخمی ہوگئیں۔

 

 

بلاول بھٹو بھی آصفہ بھٹو کے ساتھ کنٹینر سے نیچے اتر گئے۔ بہن کے زخم پر اجرک رکھی۔ پیپلزپارٹی کے سیکیورٹی کے عملے نے ڈرون آپریٹر کو پکڑلیا۔ بعد میں بلاول نے بے نظیر بھٹو کی بیٹی کو بہت قرار دیا۔ آصفہ بھٹو زرداری کو ایمبولینس کے ذریعے ملتان کے مختار اے شیخ اسپتال منتقل کردیا گیا۔

 

 

ذرائع کےمطابق آصفہ کے چہرے پر چار سے پانچ ٹانکے لگائے گئے اور اب ان کی حالت بہتر ہے۔ بلاول بھٹو نے آصفہ زرداری کی ٹوئٹر پر تصویر شئیر کرتے ہوئے وکٹری کا نشان بنایا۔ واقعے کے بعد پاکستان مسلم لیگ (ن) کی نائب صدر مریم نواز نے سماجی رابطے کی ویب سائٹ ٹوئٹر پر آصفہ کی خیریت کی دعا کی۔ انہوں نے کہا کہ امید ہے آپ کو چوٹ نہیں آئی ہو، آپ اور تمام شرکا محفوظ رہیں۔