‘ایک خاتون نے پوچھا کہ آپ اتنے دن سے کہاں غائب تھے؟’ شارہ رخ نے پوچھے گئے سوال پر ایسا جواب دیا کہ۔۔

شاہ رُخ کا جولی انداز ؟

 

 

آن لائن (اعتماد ٹی وی) بھارت بالی ووڈ انڈسٹری کے بادشاہ شاہ رخ خان سوشل میڈیا پر خاصے ایکیٹو ہیں ۔ وہ اکثرو پیشتر سوشل میڈیا پر اپنے چاہنے والوں کے سوالات کے جواب دیتے رہتے ہیں۔ گزشتہ برس شاہ رخ خان بیٹے کے جیل جانے کی وجہ سے سوشل میڈیا سے غائب تھے، بیٹے کی بازیابی کے بعد وہ اپنی آنے والی فلم کے سلسلے میں مصروف ہو گئے۔

 

اب انھوں نے وقت نکالا اور دوبارہ سے اپنی سرگرمیوں کو شروع کر دیا ہے۔ رواں ماہ کے پہلے دن شاہ رخ خان نے سوشل میڈیا پر اپنی آنے والی فلم”پٹھان ” کے ٹیزر کی ریلیز کا اعلان کیا اور پھر انھوں نے اپنے پرستاروں کے سوالات کا جواب دینا شروع کیا۔

 

سوشل میڈیا صارفین نے شاہ رخ کے غائب سے ہونے متعلق تشویش کا اظہا ر کیا اور ایک خاتون نے شاہ رخ کی واپسی پر خوشی کا اظہار کرتے ہوئے پوچھا کہ آپ اتنے دن سے کہاں غائب تھے؟ تو شاہ رخ خان نے مزاحیہ انداز میں جواب دیا کہ خیالوں میں۔

 

 

ایک مداح نے کہا کہ سر میرا مسئلہ پڑھائی کا ہے پڑھائی کیسے کروں من نہیں لگتا تو کنگ خان نے جواب دیا کہ یار تو پڑھائی دماغ سے کیا کر مَن کو صرف پیار کے لئے رکھ۔ اسی طرح ایک اور مداح نے سوال کیا کہ کیا آپ نے عامر خان کی نئی فلم لال سنگھ چڈھا دیکھی ہے تو انھوں نے جواب دیا کہ عامر خان کہتا ہے پہلے اپنی فلم پٹھان دکھا۔

 

اس طرح مداحو ں نے بہت سے سوال کئے اور کنگ خان نے کسی کو مایوس نہیں کیا ۔وہ اپنے ہر پرستار کے سوال کا جواب لازمی دیتے ہیں کنگ خان کی نئی فلم 25 جنوری 2023 کو ریلیز ہو گی جس میں شاہ رخ خان کے ساتھ جان ابراہم اور دیپکا پاڈوکون اداکاری کے جوہر دیکھائیں گے۔