ٹرین کا نیا منصوبہ ؟
اسلام آباد (اعتماد ٹی وی) وزیراعظم عمران خان نے ازبکستان کے صدر کا استقبال ائیر پورٹ پر کیا۔ صد ر ازبکستان شوکت مرزا یوف پاکستانی وزیراعظم کی دعوت پر پاکستان آئے تھے۔ یہ دونوں کی پہلی براہ راست ملاقات تھی۔
اس ملاقات میں دونوں جانب سے مختلف شعبوں میں تعاون بڑھانے کے معاہدے کئے گئے۔ علاوہ ازیں عالمی و علاقائی صورتحال پر بات چیت کی گئی۔ وزیراعظم پاکستان نے کہا کہ اُردو اور ازبک زبان تقریباً مشترک زبانیں ہیں ان کے 3 ہزار الفاظ ملتے جلتے ہیں۔
صدر ازبکستان ایک تاجر وفد اور کابینہ کے ساتھ نورخان ائیر بیس پر پہنچے جہاں پر پاکستان تحریک انصاف کے چئیر مین اور وزیر اعظم عمران خان نے خود ان کو خوش آمدید کہا۔ وہاں پر موجود بچوں نے صد ر ازبک کو پھول کا گلدستہ پیش کیا اور انھیں 21 توپوں کی سلامی دی گئی۔
ازبکستان اور پاکستان ایک مشترکہ فلم بنارہے ہیں جو ظہیر الدین بابر کے کردار پر مشتمل ہے۔ اس کے علاوہ دونوں ممالک نے اس پر بھی اتفاق کیا ہے کہ افغانستان کے راستے سے ٹرین کا رابطہ دونوں ممالک میں ہو۔
عمران خان نے کہا کہ پاکستان کے ازبکستان کے ساتھ دیرینہ تعلقات ہیں ان تعلقات کو تجارت میں اضافہ کر کے مزید مستحکم کیا جارہا ہے پاکستان اور ازبک کے درمیان تجارت میں 50 فیصد تک اضافہ کیا گیا ہے۔
ازبک صدر دو روزہ دورے پر پاکستان تشریف لائے تھے ان دو روز میں وہ نہ صرف صدر پاکستان عارف علوی سے بھی ملاقات کی بلکہ دیگر اہم شخصیات سے بھی ۔علاوہ ازیں معزر مہمان نے گرین پاکستان کے مقصد پر عمل کرتے ہوئے وزیراعظم ہاؤس میں ایک پودا بھی لگایا۔
