لاہور (اعتماد ٹی وی) تحریک عدم اعتماد مسلسل جاری ہے اور حکومتی وزراء کا اس سلسلے میں بیان بھی آتا رہتا ہے کہ ان کو اس تحریک سے کوئی فرق نہیں پڑتا ۔ یہ تحریک حکومت کے لئے تحریک اطمینان کا کام کرے گی۔
اب لگتا ہے کہ حکومت کو کچھ کچھ اندازہ ہو رہا ہے کہ تحریک عدم اعتماد صرف ایک پانی کا بلبلہ نہیں ہے اس لئے حکومتی اراکین نے بھی بیان بازی شروع کردی۔ اب مزید اقدامات کرتے ہوئے حکومت نے بھی اپنے رابطے ہموار کرنے کا فیصلہ کر لیا ہے ۔
حال ہی میں شیخ رشید نے وزیر اعظم کو جہانگیر ترین سے بات کرنے کا مشورہ کیا۔ اب وزیر اعظم نے اس بات کو عملی جامہ پہنانا شروع کردیا ہے ۔
وزیر اعظم کا جہانگیر ترین اور عالیم خان سے رابطے کی کوششیں شروع کر دی ہیں اور کہا ہے کہ سب چور مل کر ایک ہو گئے ہیں اور سوچ رہے ہیں کہ حکومت کو گرا دیں گے ان کا یہ ایجنڈا کامیاب نہیں ہوگا۔ ان کو ہمیشہ کی طرح منہ کی کھانی پڑے گی۔جمہوری حکومت کو اس سے کو ئی خطرہ لاحق نہیں ہے۔
ذرائع کے مطابق وزیر اعظم نے سندھ گورنر کو جہانگیر ترین اور علیم خان سے رابطے کا کام دیا ہے ۔