خطر ناک وائرس کی موجودگی کا انکشاف ، مویشیوں کا گوشت کھانے سے منع کر دیا۔

لاہور (اعتماد ٹی وی) سندھ میں موجود مویشیوں بالخصوص گائے میں لمپی وائرس تیزی سے پھیل رہا ہے۔ اس وائرس کو کیٹل پوکس بھی کہا جاتا ہے۔ یہ وائرس اس سے پہلے کبھی جانوروں میں دیکھنے میں نہیں آیا تھا۔ ماہرین کے مطابق اس وائرس کی وجہ سے گائے کے جسم پر چیچک کی طرح کے نشان نمودار ہوتے ہیں۔

 

 

لمپی وائرس سے جانوروں کی جلد پر دانے بنتے ہیں شروعات میں یہ گلٹی نما ہوتے ہیں پھر ان میں پیپ بھر جاتی ہے اور زخم سے خون رستا ہے۔ اس حالت میں جانور کھانا پینا چھوڑ دیتے ہیں اور ان کی صحت بگڑنا شروع ہوجاتی ہے۔ جانوروں کے وزن میں نمایاں کمی ہوتی ہے دودھ دینے والے جانور دودھ کم دیتے ہیں۔

 

 

نذیر احمد کلہوڑو ڈائریکٹر جنرل سندھ کے مطابق یہ وائرس ہوسکتا ہے بھارت یا ایران سے درآمد کئے گئے مویشیوں میں موجود ہو اور مکھیوں ، مچھروں کی وجہ سے پاکستان کے جانوروں میں پھیل رہا ہے ۔

 

 

اس وائرس کی وجہ سے جانوروں کی شرح اموات دو فیصد ہے ۔ پنجاب میں تا حال ایسا کوئی جانور دیکھنے میں نہیں آیا جس میں یہ وائرس کا خدشہ ہو۔

 

 

ماہرین نے اس وائرس کی ویکسین تیار کی ہے اور مختلف جانوروں پر اس کے مثبت نتائج نظر آئے ہیں لیکن ماہرین نے فی الوقت گائے کا گوشت اور دودھ استعمال کرنے سے منع کردیا ہے۔ اس طرح کا گوشت اور دودھ انسانی صحت کے لئے بھی نقصان دہ ہے۔