یوکرین کے لئے بڑی خوشخبری، بڑے ممالک کے ساتھ ساتھ ورلڈ بنک نے بھی بڑا اعلان کر دیا

عالمی بینک بھی یوکرین کی مدد کو آ پہنچا۔

 

 

آن لائن (اعتماد ٹی وی) روس و یوکرین میں جاری تنازعے کو روکنے کے لئے بہت سے ممالک روس پر پابندیاں لگا رہے ہیں ۔ شروعات ہر ملک نے روس کے ساتھ اپنے تعلقات کو اہمیت دی ۔ دن بد ن بدلتی صورتحال اور روسی ہٹ دھرمی کی وجہ سے اب زیادہ ممالک یوکرین کے ساتھ کھڑے ہونا شروع ہو گئے ہیں۔

 

 

 

امریکہ جو کہ صرف اقتصادی پابندیاں لگانا چاہتا تھا اب یوکرین کی مدد کے لئے 350 ملین ڈالرز کی فوجی امداد دے رہا ہے۔ اس حوالے سے امریکی صدر نے محکمہ خارجہ کو احکام جاری کردیے ہیں کہ امریکی اسٹاک سے 350 ملین ڈالرز کے اضافی ہتھیار یوکرین کو فراہم کیے جائیں۔ کیونکہ یوکرین نے ہتھیار ڈالنے کے بجائے روس سے مقابلے کو فوقیت دی۔

 

 

امریکہ کے علاوہ دیگر ممالک بھی یوکرین کی فوجی امداد کر رہے ہیں اس سلسلے میں بیلجیم نے 3000 ٹن ایندھن اور 2000 مشین گین فراہم کرنے وعدہ کیا ہے۔ فرانس نے بھی اس سلسلے میں بھرپور مدد کی ہے انھوں نے یوکرین کو دفاعی سامان کی فراہمی کا فیصلہ کرنے کے بعد کہا ہے کہ ہم جدید جارحانہ ہتھیار فراہم کرنے پر بھی غور کر رہے ہیں۔

 

 

ذرائع کے مطابق ، عالمی بینک نے بھی اس سلسلے میں مدد کرنے کا فیصلہ لیا ہے اور اس فیصلے پر عمل درآمد کرنے کا کہا ہے عالمی بینک کے بورڈ آف ڈائریکٹر نے 489 ملین ڈالرز کےامدادی پیکج کی منظوری دی ہے۔ اس پیکیج میں 139 ملین ڈالرز گانٹیز اور 350 ملین ڈالرز کا ضمنی قرض ہے ۔

 

 

عالمی بینک کی جانب سے یہ پیکیج یوکرینی عوام کی مدد کے لئے ہو گا،۔