نااہل اور کرپٹ حکمران اب گھر کی راہ لے ۔شہباز شریف نے بڑا اعلان کر دیا

اسلام آباد (اعتماد ٹی وی) قائد حزب اختلاف اور مسلم لیگ ن کے موجودہ صدر شہباز شریف نے کہا کہ یہ صرف میری یا میری پارٹی کی نہیں بلکہ بائیس کروڑ عوام کی خواہش ہے کہ اب یہ مہنگی اور کرپشن سے بھرپور حکومت گھر جائے۔

 

 

اسلام آباد میڈیا سے گفتگو کرتے ہوئے شہباز شریف نے کہا کہ ہماری پوری کوشش ہے ہم موجودہ حکومت کو آئین کے مطابق شکست دیں اور اس حکومت کو ہٹا کر قوم کو دوبارہ موقع دیں کہ شفاف انتخابات کے ذریعے حکمران کو چنیں۔

 

 

شہباز شریف نے امیر جماعت اسلامی سراج الحق کے ہمراہ میڈیا کے ایک سوال کے جواب میں کہا کہ حکومت میں موجود حکومتی اتحادیوں سے رابطے بڑھائے جا رہے ہیں ۔ اس کے علاوہ پاکستان تحریک انصاف کے کارکنان سے بھی رابطہ کیا جا رہا ہے ۔ یہ سیاست ہے اس میں کوئی بھی بات ختمی نہیں ہوتی کوشش جاری ہے نتیجہ اللہ کے ہاتھ میں ہے۔

 

 

تحریک عدم اعتماد کے حوالے سے امیر جماعت اسلامی سراج الحق نے کہا کہ تحریک کو کامیاب بنانے کی کوشش کر رہے ہیں اس کے ساتھ ساتھ اس بات کو بھی یقینی بنایا جائے کہ نئے انتخابات شفاف ہونگے اور پنجاب پر وزرات کا فیصلہ بھی پارٹی مشاورت کے بعد ہی ہو گا۔