بجلی کی قیمت میں پھر اضافہ! وزیراعظم اپنی ہی بات سے مکر گئے۔

اسلام آباد (اعتماد ٹی وی) رواں ماہ ہی پاکستانی حکومت نے بجلی و پیٹرول کی قیمتوں میں کمی کر کے عوام کو بڑی خوشخبری دی۔

 

 

وزیر اعظم پاکستان نے عوام کو یقین دلایا کہ آنے والے بجٹ سے پہلے بجلی و پیٹرول کی قیمتوں میں اضافہ نہیں کیا جائے گا۔ بجٹ سال 2022 جون میں پیش کیا جائے گا ۔

 

 

وزیر اعظم کے اس اعلان سے ملک میں خوشی کی لہر دوڑ گئی لیکن یہ خوشی بھی دو پل کی ثابت ہوئی اور عوام کو یہ خوشی راس نہیں آئی۔ وزیر اعظم عمران خان کے وعدے ہمیشہ کی طرح کھوکھلے ثابت ہوئے ۔

 

نیپرا نے وزیراعظم کے اعلان کو نظرانداز کرتے ہوئے بجلی کی قیمت میں پانچ روپے پچانوے پیسےفی یونٹ اضافہ کر دیا۔ بجلی کی قیمتوں میں اضافے کا اعلامیہ جاری کردیا گیا ہے۔

 

 

ذرائع کے مطابق بجلی کی قیمت میں یہ اضافہ جنوری 2022 کی فیول ایڈجسٹمنٹ کے سلسلے میں کیا گیا ہے۔فیول ایڈجسٹمنٹ کا یہ اضافہ مارچ 2022 کے بلوں میں شامل کیا جائے گا۔ نیپرا کے مطابق اس کا اطلاق لائف لائن صارفین پر نہیں کیا جائے گا۔

 

 

بجلی کی قیمت میں اضافے کا فیصلہ حکومتی پالیسی گائیڈ لائنز پر سماعت کے بعد کیا گیا۔اس فیصلے کا اطلاق وفاقی حکومت کی منظوری حاصل کرنے کے بعد کیا جائے گا۔ پاور سیکٹر میں سبسڈی کا نئے سرے سے تعین کر نے کے لئے یہ قدم اٹھایا گیا ہے۔