لاہور (اعتماد ٹی وی) پاکستان پیپلز پارٹی کے چئیر مین بلاول بھٹو زرداری نے خاتون اول کے حوالے سے بہتان تراشی کی ہے ۔ انھوں نے کہا کہ جب تک خاتون اول کو رقم نہ دی جائے پنجاب کے کسی عہدے کی پوسٹنگ نہیں ہوتی ۔ بلاول کے اس بیان نے ایک نیا تنازع کھڑا کر دیا ہے ۔
سیاست میں ایک دوسرے کی ذات پر کیچڑ اچھالنا ایک عام بات ہے۔ تاہم اب اس میں خاندانی افراد کو بھی ملوث کیا جاتا ہے۔ گزشتہ حکومت کے دور میں کسی بھی طرح خاتون اول کے حوالے سے کوئی بات منظر عام پر نہیں آئی ۔ موجود ہ دور حکومت میں خاتون اول پر ہر سنجیدہ نوعیت کے الزامات لگائے گئے جس کی وجہ سے پیکا قانون نکالا گیا۔
تاہم بلاول بھٹو نے اپنی بات پر قائم رہتے ہوئے کہا ہے ہمیں تو اپنے ذرائع سے یہی کہانیاں سننے کو مل رہی ہیں کہ پنجاب کے مختلف اداروں کی کرپشن میں خاتون اول ملوث ہیں ۔ ا س کے ساتھ ساتھ بلاول نے عمران خان کی بہن علیمہ خان سے متعلق بھی بیان دئیے کہ علیمہ خان کے حوالے سے بھی جھوٹ بولا گیا کہ سلائی مشین بیچ بیچ کر اپنا کچن چلایا ۔ اس بیان پر تو کوئی بچہ بھی یقین نہیں کرے گا ۔
بلاول بھٹو نے کہا کہ میرے لئے تو خاتون اول قابل احترام ہیں ۔ میں نے ہمیشہ ان سے عزت سے بات کی لیکن اب ہمیں ذرائع سے پتہ چل رہا ہے کہ خاتون اول نے رشوت کا بازار سرگرم کر رکھا ہے اور ہر سیٹ کی رقم مقر ر ہے ۔ وزیر اعلیٰ پنجاب عثمان بزدار سمجھ دار تھے انھوں نے وہاں رقم لگائی جہاں سے فائدہ ہی حاصل ہونا تھا ۔
بلاول بھٹو نے اپنے والداور سابقہ صدر پاکستان آصف علی زرداری کے حوالے سے بات کرتے ہوئے کہا کہ میرے والد پر بے بنیاد اور جھوٹے الزام لگائے گئے ہیں ۔ جس سے آصف علی زرداری کو ذرہ برابر فرق نہیں پڑتا ۔ عمران خان کسی کا احترام نہیں کرتے ، مولانا فضل الرحمان کے لئے نازیبا زبان استعمال کرتے ہیں ایسی زبان ان کو زیب دیتی ہے کیا ۔
بلاول نے کہا کہ عمران خان جمعیت علماء اسلام کی تاریخ دیکھ لیں ان کی کیا حیثیت کے پاکستانی تاریخ میں ۔ بلاول نے کہا کہ میں نے آج تک کسی کے لئے ایسے کلمات کا استعمال نہیں کیا جیسا کہ عمران خان کرتے ہیں ۔ یہ ابھی تک اپنا گزارہ کرکٹ کے کھلونے بیچ کر رہے ہیں ۔ ان کے خلاف کئی کیس لندن میں چل رہے ہیں۔ جلد ہی عمران خان اپنے اعمال کی سزا بھگتیں گے ۔
آپ کو بتاتے چلے دوسری گزشتہ رات پارلیمنٹ لاجز میں ہونے والے واقعے کو لے کر ملک میں ایک غیر یقنی کا عالم پایا جا رہا ہے ۔
عوام سمیت حکومتی اہلکار بھی اس سے بے خبر ہے کہ آخر ملک میں ہونے کیا جا ریا ہے ۔ جبکہ حکومت کی جانب سے موقف سامنے آیا ہے کہ پارلیمنٹ لاجز میں غیر متعلقہ افراد موجود تھے، جو کہ تقریبا 70 کے قریب تھے اور ان سے مذاکرات کر کے ان کو نکلنے کے لئے کہا مگر ان کی طرف سے بات نا ماننے پر یہ آپریشن کیا گیا۔
