ٹریفک قوانین کی پابندی لازم اب کوئی بچ نہیں پائے گا، نیا ہوشربا قانون متعارف

لاہور ( اعتماد ٹی وی ) پاکستان کی موجودہ حکومت نے ٹریفک کے نظام میں بہتری لانے کے لئے اسپیڈ چیکنگ کیمرے لگائے اور ای – چالان کا نظام متعارف کروایا ۔

 

 

 

اس سے  متعلقین کو چالان  بذریعہ ڈاک بھیج دیا جاتا ہے ۔ اسطرح ٹریفک کے قوانین کی پابندی کروانے کے لئے موجودہ حکومت نے  چالان کی قیمتیں بڑھا دیں ۔

 

 

500 روپے کے چالان کو بڑھا کر 2000 کردیا اور  2000 روپے کے چالان کی قیمت 5000 کردی ۔ وجہ صرف ٹریفک قوانین کی پابندی کو لازم بنانا تھا۔ جس میں ون وے ٹریفک ، ہیلمٹ نہ پہننا ، سیٹ بیلٹ نہ لگانا اور دوران ڈرائیونگ  فون کا استعمال شامل ہیں ۔

 

 

اسی لئے اب مینول چالان کو ختم کرنے کا فیصلہ کر لیا ہے۔ ٹریفک وارڈنز اب سے ٹریفک کے قوانین کی پابندی نہ کرنے والوں کے چالان  ، چالان بُک میں درج نہیں کریں گے  بلکہ اب سے وارڈنز کو  سمارٹ پرنٹر دیئے جائیں گے جس سے وہ ای چالان کریں گے۔ اس پراجیکٹ کا باقاعدہ آغاز 23 مار چ سے کیا جائے گا ۔

 

 

ای –چالان کے اس نظا م سے ٹریفک پولیس کے نظام کو شفا ف کرنے میں مدد ملے گی اور اس کے ساتھ ہی ای چالان کے ذریعے پنجاب بھر کے تمام چالانوں کا ڈیٹا بھی جمع کر لیا جائے گا ۔ اس سلسلے میں ٹریفک حکام سے بات کی گئی تو انھوں نے کہا اب سے چا لان بُک کی بجائے آن لان سسٹم رائج کیا جائے گا ۔ اس میں آن لائن چالان کر کے سمارٹ پرنٹر کے ذریعے سلپ جاری کی جائے گی ۔

 

 

 

ٹریفک  پولیس کے موبائل میں ایپلیکیشن ڈاؤن لوڈ کی جائے گی اور اس کو پرنٹر سے منسلک کر دیا جائے گا۔ چا لاننگ افسر کی بیٹ، ایریا ، مکمل تفصیلات اور خلاف ورزی کرنے والوں کا تمام ڈیٹا  اس میں درج کر کے اپ لوڈ کیا جائے گا اور پرنٹ جاری کر دیا جائے گا ۔

 

 

ڈی آئی جی کے حکم پر اس پائلٹ پرجیکٹ پر عملدرآمد شروع کیا جا چکا ہے۔ اس کے لئے پرنٹرز کی خریداری کا سلسلہ شروع ہو چکا ہے ۔

 

 

ہر ضلع کے چالاننگ افسران کی تعداد کا شمار کیا جا رہا ہے اور اتنے ہی پرنٹر خریدے جا رہے ہیں۔ 23مارچ کو ان پرنٹرز کو مختلف شہروں میں چالاننگ افسران کو تقسیم کر کے ای چالان کا باقاعدہ آغاز کیا جائے گا۔ٹریفک ہیڈ کوارٹر نے ای چالان کے حوالے سے چالاننگ افسران کی ٹرینگ کا آغاز کردیا ہے۔