پلازہ میں آگ لگنے سے 400 سے زائد دکانیں خاکستر! قصور وار کون، اصل وجہ سامنے آگئی

لاہور (اعتماد ٹی وی) لاہور کے علاقہ گلبرگ میں موجود پیس شاپنگ پلازہ میں گزشتہ رات 1 تا 1:30 بجے آگ بھڑک اُٹھی ۔

 

 

یکا یک ہی آگ نے پورے شاپنگ پلازہ کو اپنی لپیٹ میں لے لیا اور آگ کے شعلے بلند سے بلند تر ہوتے گئے۔ آگ کی اطلاع کسی راہگیر کی جانب سے ریسکیو 1122 کو دی گئی ۔

 

 

1122 ریسکیو اور فائر بریگیڈ کی ٹیمیں آگ کی اطلاع ملتے موقع پر پہنچ گئیں اور آگ بجھانے کی کوشش شروع کر دی گئی۔ لیکن آگ بہت زیاد ہ زورآور تھی اور 1122 ریسکیو اہلکار کے مطابق ان کے پاس اتنے جدید آلات موجود نہیں جو آگ بجھانے میں معاون ثابت ہوں۔ آگ کی وجہ سے تقریبا 407 سے 450 دکانیں مکمل طور پر خاکستر ہو گئیں۔

 

 

آگ کی خبر پاتے ہی متعلقہ دکاندار پلازہ پہنچ گئے اور آگ کی شدت دیکھنے کے باوجود دکانوں سے سامان نکالنے کی کوشش شروع کر دیں۔ اور کچھ لوگ اپنی اس کوشش میں کامیاب بھی ہو گئے۔ آگ کے ایک فلور سے دوسرے فلور پر بڑھنے کے ساتھ ساتھ اے سی کے کمپریسر اور چلر پھٹنے سے دھماکوں کی آواز سے فضا گونج اُٹھی۔

 

 

آگ کے وجہ سے پلازہ کی چھت پر موجود سولر پینل بھی جل گئے۔ جن کے قیمت لگ بھگ دو کروڑ روپے تھی۔ دکانداروں نے پلازہ انتظامیہ و مالکا ن پر الزامات عائد کئے ہیں کہ یہ آگ لگی نہیں ہے بلکہ مالکان کی جانب سے لگائی گئی ہے اس کے برعکس پلاز ہ میں ہنگامی طور پر آگ بجھانے کا کوئی بھی سسٹم موجود نہیں ۔

 

 

 

پولیس نے ریسکیو ٹیموں کی امدادی کارووائیوں میں رُکاوٹ ڈالنے والوں کو گرفتا ر کر لیا ہے۔
مسلسل 8 گھنٹوں کی زور آزمائی کے بعد آگ پر قابو پا لیا گیا ہے اور پلازہ جلنے کی وجہ سے کروڑوں روپے کا سامان جل چکا ہے۔