کراچی (اعتماد ٹی وی) گائے میں لمپی اسکن کی بیماری کی شناخت کی وجہ سے گائے کے گوشت کی فروخت میں کمی ہو گئی ہے۔ اس کمی کو پورا کرنے کے لئے ہول سیلرز اور پولٹری فارم مالکان نے اپنی من مانی کرنی شروع کر دی ہے۔
حکومت کی جانب سے مرغی کی مقررہ کردہ قیمت 214 روپے ہے جبکہ بازار میں مرغی کا گوشت 500 روپے فی کلو فروخت کیا جا رہا ہے۔ حکومت اس سلسلے میں تماشائی بن کر بیٹھی ہے۔
شہریوں کے مطابق ملک میں قوانین کا مذاق بنانا عام بات ہو گئی ہے ۔ سرکار کی مقرر کردہ قیمتوں کا اطلاق ہوتا ہی نہیں ہر دُکاندار اپنی مرضی کے ریٹ رکھ کر چیز فروخت کر رہا ہے۔
جب کہ مرغی فروخت کرنے والوں کے مطابق پولٹری فارم سے مرغی 315 روپے فی کلو وصول کی جا رہی ہے۔ اس لئے مرغی کو 500 روپے سے کم فروخت نہیں کیا جا سکتا۔
انتظامیہ کا اس میں کردار صفر ہے ۔ گھریلو مرغی کی پیدا وار نا ہونے کے برابر ہے ۔ اور مرغی کے آئے دن ریٹ میں اضافے کے باعث اس کی فروخت میں کمی آگئی ہے۔ اس کمی کا اثر کمرشل سطح پر بھی ہو رہا ہے۔
حکومت و انتظامہ کو سرکاری سطح پر مقرر کردہ قیمتوں کے اطلاق کو یقینی بنانا چاہیے ۔ مرغی کے ساتھ ساتھ روزمرہ ضروریات کی اشیا بھی دوکاندار من مانی قیمتوں پر فروخت کر رہے ہیں۔
