حکومت میں دم ہے تو ہمارے راستے میں رُکاوٹ بن کر دکھائے۔شاہد خاقان عباسی۔

راولپنڈی (اعتماد ٹی وی) حکومت کا آج کل کچھ اچھا وقت نہیں چل رہا ، مخالف تنظیموں کے اراکین کی جانب سے کوئی نہ کوئی بیان آ جاتا ہے کہیں ان کو 24 گھنٹوں کا ٹائم دیا جاتا ہے ۔ کہیں 48 گھنٹوں کا ۔ لیکن ہوتا کچھ بھی نہیں۔

 

 

حکومت مخالف تنظیمیں ایسے بیانات دے کر سراسیمگی پھیلاتی ہیں اس حوالے سے ن لیگی رہنما شاہد خاقان عباسی بھی پیچھے نہیں رہے اور تحریک عدم اعتماد کی حمایت کرتے ہوئے کہا کہ موجودہ حکومت کے اراکین کے پاس دلائل نہیں ہیں کہ گفتگو کی جائے ۔ یہ گالم گلوچ شروع کردیتے ہیں۔

 

 

ہم اپنے مقررہ کردہ وقت پر اسمبلی میں جائیں گے کسی مائی کے لعل میں دم ہے وہ ہمیں روک کر دکھائے۔ میرا یہ کھلا چیلنچ ہے اور ملک میں جو احتساب کے نام پر کھیل کھیلا جا رہا ہے اور قانون کا مذاق بنایا جا رہا ہے ہمارے لوگوں کو تحریک عدم اعتماد کے حمایتی ہونے کے باعث نیب کی جانب سے نوٹس جاری کئے جا رہےہیں۔

 

 

نیب کا ان سب سے کیا تعلق نیب اپنی حدود کا خیال رکھے۔ غیرقانونی کاموں میں ہاتھ نہ ڈالے۔ پاکستان تحریک انصاف نے دس لاکھ بندے لانے کا دعویٰ کیا ہے یہ دس لاکھ کیا دس کروڑ بھی لے آئیں تو ہم اسمبلی پہنچ کر دکھائیں گے۔