پاکستانی عوام ہو جائے رمضان کے لئے تیار ۔ حکومت کا اہم اعلان۔

اسلام آباد (اعتماد ٹی وی) آئندہ ماہ رمضان کے لئے حکومت نے مہنگائی کا اندازہ کرتے ہوئے عوام کو ریلیف دینے کا فیصلہ کیا ہے۔

 

 

عموماً ماہ رمضان میں اشیائے خوردونوش کی قیمت میں اضافہ ہو جاتا ہے جس کی وجہ سے عام انسان کی پہنچ سے باہر ہو جاتی ہیں۔

 

 

تاہم حکومت پاکستان نے قبل از وقت ا س کا سدباب کر تے ہوئے رمضان ریلیف پیکیج کا اعلان کیا ہے۔اس پیکیج کے لئے اسلام آباد میں وزیر خزانہ شوکت ترین کی سربراہی میں آج اقتصادی رابطہ کمیٹی کا اجلاس کیا گیا۔

 

 

جس میں وفاقی وزراء کے ساتھ ساتھ سید فخر امام ، عمر ایوب خان ، مخدوم خسرو بختیار ، اسد عمر ، حماد اظہر کے ساتھ دیگر سنئیر حکومتی افسران و وزیر اعظم کے مشیر خاص عبدالرزاق داؤد ،وفاقی سیکرٹریز نے شرکت کی۔

 

 

ای سی سی یعنی اقتصادی رابطہ کمیٹی نے رمضان 2022 کے لئے 8 ارب 20 کروڑروپے کا پیکیج منظور کیا ہے۔اس سے قبل یہ پیکئج احساس مستحقین کے لئے محدود کیا گیا تھا۔

 

 

لیکن آج کے اجلاس میں اس فیصلے کو واپس لیا گیا کہ اس ریلیف پر تمام عوام کا یکساں حق ہے اس لئے اس کو صرف احساس مستحقین کے لئے نہیں بلکہ عوام کے لئے مختص کیا جائے ۔

 

 

اب سے ملک بھر کے تمام یوٹیلٹی سٹورز پر رمضان ریلیف پیکج دستیاب ہوگا اور تما م شہری اس سے مستفید ہونگے۔