شہباز شریف کے بیان پر حکومتی وزراء کا ردعمل آ گیا۔
لاہور ( اعتماد ٹی وی ) پاکستان مسلم لیگ ن کے چئیر مین شہباز شریف نے گزشتہ روز نجی ٹی وی ادارے کے پروگرام میں بیان دیا کہ اپوزیشن کو متحد ہو کر ایک ایسی حکومت بنانی چاہیے جس میں تحریک انصاف کی شمولیت نہ ہو۔ اور تمام کارکنان عوام کی خدمت میں سر جھکا دیں۔
شہباز شریف کے اس بیان پر حکومتی وزیر داخلہ شیخ رشید کا ردعمل سامنے آیا ہے اور انھوں نے کہا ہے کہ آخر کار بلی تھیلے سے باہر آ ہی گئی۔
شہباز شریف نے براہ راست نہ سہی گھما کر اپنی خواہش کا اظہار کر ہی دیا۔ شیخ رشید نے اپنے خاص انداز میں کہا کہ یہاں کوئی اندھیر نگری نہیں مچی ہوئی ایسا سوچنے والوں کی ایسی کی تیسی کر دونگا۔
وزیر داخلہ نے کہا کہ شہباز شریف کے اس بیان سے ہی اپوزیشن کے آپسی اختلافات شروع ہو گئے ہیں اس کا مطلب ہے کہ تحریک عدم اعتماد کا کامیاب ہو نا مشکل ہے جیت عمران خان کی ہی ہو گی۔
تحریک انصاف کا ڈی چوک پر 27 مارچ کو بڑا جلسہ ہو گا اور سب لوگ دیکھیں گے کہ عوام کا فیصلہ کیا ہے۔
مزید کہا کہ سندھ میں ہمیشہ منڈی لگتی ہے جس میں ضمیر خریدے جاتے ہیں۔
جو اپنا ضمیر بیچ دیتے ہیں وہ کبھی کامیاب نہیں ہوتے۔ ایسے افراد وقتی طور پر چھپ سکتے ہیں لیکن ان کو منظر عام پر آنا ہی ہو گا اور پھر ایسے افراد کے عوام کیا سلوک کر تی ہے یہ کسی کو بتانے کی ضرورت نہیں۔
وزیر داخلہ نے کہا اسلامی وزرائے خارجہ کے اجلاس میں سیکیورٹی کی ذمہ داری میری ہے اور میں اس ذمہ داری کو بخوبی نبھاؤں گا دو ہزار سے زائد رینجرز اور پولیس اہلکاروں کو تعینا ت کیا گیا ہے ۔
بوقت ضرورت اس میں اضافہ بھی کیا جا سکتا ہے۔ اسلام آباد میں 21 مارچ تا 24 مارچ تک عام تعطیل کا اعلان کیا گیا ہے ۔
