کرینہ کپور اب کہاں جلوہ فروز ہونگی، انہوں نے خود ہی اپنے مداحوں کو بتا دیا

ویب سیریز کی مقبولیت کے بعد کرینہ کپور کا بڑا فیصلہ۔

 

آن لائن (اعتماد ٹی وی) جد ید دور میں جہاں سوشل میڈیا بہت طاقتور بن کر اُبھرا ہے اتنا ہی ویب اسٹریمنگ سائٹس بھی مقبولیت میں کم نہیں ہیں۔ نیٹ فلکس کی طرح بہت سی سائٹس کے ویب سیریز دنیا بھر میں مقبول ہو رہے ہیں ۔ بڑے پردے کے اداکاروں کا رجحان بھی اس سمت ہو گیا ہے۔

 

کرینہ کپور بالی ووڈ انڈسٹری کی “بے بو” نے یہ اعلان کیا ہے کہ وہ بہت جلد ڈیجیٹل پلیٹ فارم پر جلوہ افروز ہونگی۔ یہ اعلان انھوں نے اپنے انسٹا گرام اکاؤنٹ کے ذریعے کیا ہے۔ کرینہ نے اپنے مداحوں کو بتا یا ہے کہ وہ ڈیجیٹل پلیٹ فارم کی فلم میں کام کر رہی ہیں جس کی کہانی جاپانی ناول سے لی گئی ہے۔

 

 

فلم کا نام “دی ڈیووشن آف سسپیکٹ ایکس” تجویز کیا گیا ہے۔ اس فلم کے ہدایتکار سوجوائے گھوش اور پروڈیوسر اکشے پوری اور ثیوا کامنی ہیں۔ اداکارہ کرینہ نے بتایا کہ جہانگیر کی پیدائش کے بعد یہ ان کی پہلی فلم ہے اس لئے وہ اس کو لے بہت پر جوش ہیں مزید یہ کہ ان کی بہت عرصے سے ڈیجیٹل میڈیا میں کام کرنے کی خواہش تھی۔

 

 

فلم کی کاسٹ کے حوالے کرینہ نے کہا کہ بہت اچھی کاسٹ کی گئی امید ہے فلم سب کو پسند آئے گی۔ کرینہ کپور کے شوہر سیف علی خان بھی ڈیجیٹل پلیٹ فارم سے متعلقہ پروجیکٹس پر کام کر رہے ہیں اور کرشمہ کپور بھی اس سلسلے میں پیچھے نہیں رہیں۔