سلیمان خان نے فلم میں کام کرنے کے لئے پیسے لینے سے انکار کر دیا، بالی وڈ میں تہلکہ مچ گیا

سلمان خان یاروں کے یار ہیں ان کا کسی
سے کوئی مقابلہ نہیں ۔چرن جیوی

 

 

آن لائن ( اعتماد ٹی وی ) تامل و تیلگو فلم انڈسٹری کے سُپر سٹار چرن جیوی نے اپنی نئی آنے والی فلم میں سلمان خان کو مہمان اداکار کے طور پر شمولیت کے لئے کہا۔ جس کو سلمان خان نے بغیر کسی شش و پنج میں پڑے قبول کر لیا ۔

 

 

چرن جیوی نے سلمان خان کو اپنی نئی آنے والی فلم ” گاڈ فادر ” میں مہمان اداکار کے طور پر مختصر کردار ادا کرنے کے لئے گزارش کی۔ سلمان خان کا نام فلم انڈسٹری میں کسی بھی تعارف کا محتاج نہیں ایسے میں ان کا کسی فلم میں ایسا کردار کرنا واقعی قابل تحسین بات ہے۔

 

 

اور چرن جیوی نے مزید بتایا کہ جب انھوں نے سلمان خان کو اس مختصر کردار کے لئے رقم کی ادائیگی کی تو سلمان نے فوراً رقم لینے سے انکار کر دیا۔

 

 

 

سلمان خان کو جو رقم آفر کی گئی تھی وہ قریباً 20 کروڑ روپے تھے۔ لیکن سلمان خان نے رقم کے متعلق کوئی سوال نہیں کیا اور کہا کہ وہ اس مختصر سے کردار کے لئے کوئی رقم چارج نہیں کریں گے۔ مزید کہا کہ اگر رقم لینے کے لئے زیادہ زور دیا گیا تو وہ پھر فلم میں کردار ادا نہیں کریں گے۔

 

 

 

سلمان خان کے اس جواب سے چرن جیوی بہت متاثر ہوئے اور کہا کہ سلمان خان یاروں کے یار ہیں اور فراخ دل ہیں۔ ان کے متعلق جو بھی سنا تھا اس کے بڑھ کر پایا ہے ان کا دل سونے جیسا ہے ان کا کوئی متبادل نہیں ہو سکتا ۔