سندھ ہاؤس واقعہ پر وزیراعظم عمران خان کا سخت فیصلہ سامنے آگیا

سندھ ہاؤس واقع پر وزیر اعظم کی مذمت

 

 

اسلام آبا ( اعتماد ٹی وی) پاکستان تحریک انصاف کے کارکنا ن کا سندھ ہاؤس میں داخل ہو کر اراکین کے خلاف نازیبا زبان کے استعمال پر وزیر اعظم سخت نالاں ہیں ۔

 

 

انھوں نے کارکنان کو انتباہ کیا ہے کہ ایسا واقع دوبارہ کبھی رونما نہیں ہونا چاہیے۔ سیاسی اختلافات سیاست کا حصہ ہیں ان پر اس طر ح کا ردعمل دینا قطعاً اچھی بات نہیں ہے۔

 

 

ذرائع کے مطابق اٹارنی جنزل خالد جاوید نے وزیر اعظم سے ملاقات کر کے ان کو سپریم کورٹ کے فیصلے کے متعلق میں معلومات دیں۔ جس پر وزیر اعظم نے پارٹی کارکنان کے اس رویے کی مذمت کی ہے اور ان کوسختی سے عدالت کے احکام پر عمل پیرا ہونے کا کہا۔

 

 

وزیرا عظم نے کہا کہ ہم عدالت کے فیصلوں کے خلاف نہیں جائیں گے جو بھی عدالت کا حکم ہو گا اس پر سختی سے عمل پیرا ہونگے۔ کسی قسم کی کوتاہی نہیں برتی جائے گی۔

 

 

سندھ ہاؤس واقعے سے متعلق مسلم لیگ ن کے صد ر شہباز شریف نے بھی بیان دیا ہے کہ سرکاری عمارتوں پر دھاوے کروا کر وزیراعظم “کنٹینر موڈ” میں آ گئے ہیں۔ جس چیز کو وزیر اعظم دوسروں کے لئے برُا کہتے تھے آج خود ہی اس میں شامل ہیں۔