آخر کار حکومت کے منحرف اراکین کے بارے میں حکومت کا سافٹ کارنر، نیا بیان سامنے آگیا۔

پاکستان تحریک انصاف کے منحرف ارکان کے لئے وفاقی وزیر اطلاعات کا ردعمل

 

 

اسلام آباد ( اعتماد ٹی وی ) پاکستان تحریک انصاف کے منحرف اراکین کے متعلق وفاقی وزیر اطلاعات فواد چوہدری کا رد عمل سامنے آیا ۔ انھوں نے کہا کے حکومتی ادارے ایک جگہ متحد ہیں ۔ جو لوگ ساتھ چھوڑ گئے ہیں ا ن کے لئے دروازے کھلے ہوئے ہیں جب چاہے واپس آ سکتے ہیں ۔

 

 

لیکن کوئی بھی وقت پر ہی اچھا ثابت ہوتا ہے اگر وقت گزر جائے تو پھر آپ کا آنا نہ آنا معنی نہیں رکھے گا۔
وفاقی وزیر نے کہا ہمیشہ جیت ان کی ہوتی ہے جو مشکل وقت میں ساتھ نہیں چھوڑتے۔ جس نے عمران خان کو دھوکہ دیا ہے اس کو خود ہی اس کا احساس ہو جائے گا۔ ایسی سازشیں عمران خان کو کوئی نقصان نہیں پہنچا سکتی ۔ ایسے معاملات کے بعد وہ مزید مضبوط ہو گئے ہیں۔

 

 

فواد چوہدری نے کہا کہ جیسے پیپلز پارٹی کی حکومت نے اپنا اقتدار مکمل کیا ہے اسی طرح پاکستان تحریک انصاف بھی اپنا حکومتی وقت مکمل کرے گی۔مزید کہا کہ سندھ ہاؤس سے ہمیں فون آرہا ہے کہ ہمیں یہاں روکا گیا ہے باہر نہیں نکلنے دے رہے ۔

 

 

ایک غیر رسمی انٹرویو کے دوران کہا کہ جن لوگوں نے عمران خان کا ساتھ چھوڑا ہے ان کے عوام کا غصہ حق بجانب ہے۔

 

ہمارا بس اتنا مقصد ہے کہ یہ لوگ استعفیٰ دے کر اپنے حلقوں سے جا کر الیکشن لڑیں اور جیتیں ۔ حکومت مخالف تنظیموں کی خواہش ہے کہ عمران کو بلیک میلنگ کے ذریعے سیٹ سے ہٹا دیں گے ایسا نا ممکن ہے مسائل کا حل بات چیت کے ذریعے ممکن ہے۔حالات کو اس موڑ پر نہ لے جائیں کہ کل کو ایک ساتھ بیٹھ بھی نہ سکیں۔