بلاول بھٹو زرداری کے او آئی سی اجلاس میں رُکاوٹ پیدا کرنے کے بیان پر شیخ رشید کا جواب۔
اسلام آباد ( اعتماد ٹی وی ) پاکستان پیپلز پارٹی کے صدر بلاول بھٹو زرداری نے موجودہ حکومت کو کڑے الفاظ میں کہا کہ اگر قومی اسمبلی کا اجلاس نہیں کروایا گیا تو ہم اسمبلی ہال سے باہر نہیں نکلیں گے اند ر ہی بیٹھ کر دھرنا دیں گے اگر حکومت میں دم ہے تو پھر او آئی سی اجلاس کر کے دکھائے ۔ بلاول بھٹو نے کہا کہ ہم نے پر امن طریقے سے احتجاج کیا ہے۔
بلاول بھٹو کے اس بیان پر شیخ رشید کا رد عمل سامنے آیا ہے شیخ رشید نے کہا کہ کسی میں اتنی جرت نہیں ہے کہ او آئی سی کانفرس کو روکے گا۔
ہم نے ان کے ساتھ تعاون کیا ہے ان کی تحریک کو بغیر کسی رُکاوٹ کے چلنے دیا ہے ۔ تو آج یہ ہمارے سامنے کھڑے ہو کر ملک کے خلاف سازش کر رہے ہیں۔
او آئی سی اجلاس پاکستان کے اتنی اہمیت کا حامل ہے اور یہ لوگ پاکستان کی ترقی کو روکنا چاہ رہے ہیں۔ وزیر داخلہ نے کہا کہ آج سے پارلیمنٹ ہاؤس کو رینجرز اور ایف سی کی تحویل میں دے دیا گیا ہے۔
جس کسی میں دم ہے کچھ کر دکھائے ۔ بلاول کے تو ابھی دودھ کے دانت ہی نہیں ٹوٹے اور باتیں کر رہا ہے اجلاس روکنے کی۔
وزیر داخلہ نے کہا شہباز شریف کا بیان کہ اگلی حکومت میں تحریک انصاف شامل نہیں ہوگی بہت افسوس ناک ہے۔
شہباز شریف ایک سینئر سیاستدان ہیں اور ان کھلے دماغ سے ہر چیز کو دیکھنا چاہیے۔ ہم نے 21 جنوری 2022 کو قرار داد پیش کر کے 22 ،23 مارچ کے لئے ایوان کی منظوری لی ہے۔
ا و آئی سی کا اجلاس اسلام آباد پارلیمنٹ میں ہی ہو گا ۔ یہ کوئی کرکٹ میچ تو نہیں ہے اگر ایک جگہ نہیں فری تو دوسری جگہ حاصل کر لو۔
