جانوروں میں بیماری کی وجہ سے دودھ کی قیمت میں واضح کمی کر دی گئی لیکن عوام پھر بھی لینے کو تیار۔۔ صورتحال مید بگڑنا شروع۔۔

جانوروں میں لمپی اسکن بیماری کی وجہ سے گوشت و دود ھ کی فروخت میں کمی!

 

 

کراچی ( اعتماد ٹی وی ) حال میں جانوروں میں لمپی اسکن کی بیماری دیکھنے میں آئی تو ماہرین کی جانب سے گائے کا گوشت و دودھ استعمال کرنے کی مناہی کر دی گئی لیکن بعد میں ماہرین نے عوام کو خوشخبری دی کہ بیماری پر قابو پا لیا گیا ہے اور اس بیماری کی ویکسین بھی تیار کر لی گئی اس لئے اس بیماری کے اثرات جانوروں کے دودھ و گوشت میں موجود نہیں۔

 

 

 

لمپی اسکن کی بیماری فی الحال صوبہ سندھ کے جانوروں میں نظر آئی ہے۔ بیماری کی وجہ سے کراچی میں گائے کے دودھ کی فروخت میں کمی ہونا شروع ہو گئی ہے۔ کرونا وباء کے بعد اس نئے وائرس سے سب ہی خوف کا شکار ہیں۔

 

 

کراچی کی سب سے بڑی دودھ منڈی جس کو بھینس کالونی کہا جاتا ہے ۔ وہاں دودھ کی فروخت کی شرح میں 40٪ کمی دیکھی گئی ہے۔

 

 

ڈیری فارمز والوں کے مطابق اب تک اس بیماری کی وجہ سے منڈیوں میں دودھ کی فی من قمیتوں میں 2500 روپے تک کی کمی کر دی گئی ہے۔ اور جو دودھ بازار میں 120 تا 150 روپے لیٹر فروخت کیا جا رہا تھا اب اس کی قیمت کم ہو کر صرف 80 روپے فی لیٹر رہ گئی ہے۔

 

 

دودھ کی قیمتوں میں کمی نے شہریوں کے شبہات کو یقین میں بدل دیا ہے کہ اگر بیماری نقصان دہ نہیں ہے تو دودھ کیوں سستا بیچا جا رہا ہے۔

 

 

شہری دود ھ کی قیمت کم ہونے باوجو د دودھ خریدنے سے اجتناب کر رہے ہیں۔ کچھ علاقوں میں دودھ کو 70 روپے فی لیٹر بیچا جا رہا ہے اور دودھ کی شرح فروخت میں اضافے کے لئے ایک لیٹر کے ساتھ ایک لیٹر فری کی آفرز بھی دی جا رہی ہیں۔

 

 

تاہم مویشوں میں لمپی اسکن کی بیماری بڑھتی جا رہی ہے تازہ اعدادو شمار کے مطابق اب تک وائرس سے متاثرہ جانوروں کی تعداد ستائیس ہزار سات سو چونتیس سے بڑھ چکی ہے۔

 

 

اس بیماری کے سب سے زیادہ شکار کراچی کے جانور ہوئے ہیں جن کی تعداد تقریبا سولہ ہزار چار سو چوبیس ہوگئی ہے۔ بیماری کے وجہ سے دو سو پچیس جانور اب تک مر چکے ہیں۔