اپوزیشن کی متحدہ قومی موومنٹ سے ملاقات، حکومتی اتحادی کو توڑنے کے حوالے سے بڑا بیان سامنے آگیا۔

اپوزیشن کا حکومتی اتحادی جماعت کو اپنے ساتھ ملانے کی کوشش۔

 

 

تحریک عدم اعتماد کے لئے بہت سے حکومتی اتحادیوں کو اپوزیشن نے اپنے ساتھ ملا لیا ہے جس کی وجہ سے وزیرا عظم نے منحرف اراکین کے خلاف کاروائی کا اعلان کیا ہے۔ اور ان کو وقت دیا ہے کہ وآپس آجائیں غلط صورتحال کا حصہ نہ بنیں۔

 

 

اپوزیشن نے اپنی تحریک کی کامیابی کو عملی جامہ پہنانے کے لئے مزید قدم بڑھانے کا فیصلہ کیا ہے اور اس سلسلے میں حکومت کی اتحادی جماعت متحدہ قومی موومنٹ سے ملاقات کی ۔

 

 

اس ملاقات میں متحد ہ قومی موو منٹ کی جانب سے وفاقی وزیر امین الحق ، وسیم اختر اور عامر خان نے شمولیت کی اور اپوزیشن کی جانب سے مسلم لیگ ن کے رہنما احسن اقبال ، خواجہ سعد رفیق، رانا ثناء اللہ اور ایاز صادق کے ساتھ سردار اختر مینگل شریک ہوئے۔

 

 

ملاقات میں تحریک عدم اعتماد کے ساتھ ساتھ موجود سیاسی صورتحال پر بات چیت کی گئی۔

 

 

 

اس کے ساتھ ساتھ اپنے ووٹر پورے کرنے کے لئے متحدہ قومی موومنٹ کو تحریک عدم اعتماد کو سپورٹ کرنے کی بات بھی کی تاہم متحدہ قومی موومنٹ نے فوراً کسی فیصلے سے اجتناب کیا ہے اور سوچنے کے لئے کچھ وقت مانگا ہے۔