صدر پاکستان نے بھارت سمیت پوری دنیا کو وارننگ جاری کر دی

ہمارے امن کی کوششوں کو ہماری کمزوری نہ سمجھا جائے ۔صدر مملکت ڈاکٹر عارف علوی

 

 

اسلام آباد ( اعتماد ٹی وی ) یوم پاکستان کے حوالے سے منعقد کی گئی تقریب میں صدر پاکستان ڈاکٹر عارف علوی نے قوم سے خطاب کے دوران کہا کہ پاکستان ایک ایٹمی طاقت ہے اور اس حوالے سے ایک ذمہ دار ملک ہے۔ پاکستان نے ہمیشہ دنیا میں امن اور خوشحالی کی خواہش کی ہے اور اس حوالے سے اقدامات کئے ہیں۔

 

 

 

گزشتہ برس پاکستان نے بھارتی پائلٹ کو باحفاظت بھارت کو سونپ کر دنیا میں امن کی مثال قائم کی ہے۔ لیکن ہماری امن کے لئے کی گئی کوششوں کو ہماری کمزوری نہ سمجھا جائے اور وقت ضرورت ہم ہر طرح کے حالات کا سامنا کرنے کے لئے تیار ہیں۔

 

 

 

پاکستان جو اسلامی ممالک کے وزرائے خارجہ کے 48 اجلاس کی میزبانی کر رہا ہے۔ اس کا مقصد دنیا بھر میں اسلامی فلاحی جمہوری ریاست کا قیام ہے۔

 

 

 

اس کے لئے ہمیں مؤثر اور مستحکم اداروں کی ضرورت ہے۔ اس کے ساتھ ساتھ دنیا بھر میں اقلیتوں کے حقوق کی تحفظ بھی ضروری ہے۔ اقلیتوں کو تحفظ تبھی حاصل ہو گا جب ملک کا نظام عدل وانصاف کے تحت چلے گا۔

 

 

 

صدر پاکستان نے بھارت کے جموں و کشمیر میں کئے جانے والے کاموں کی مذمت کی ہے ۔ اس حوالے سے آئندہ 15 مارچ کے روز کو اسلامو فویبا کا دن منایا جائے گا ۔

 

 

 

جنوبی ایشیاء میں امن کے قیام کو ہمیشہ بھارت نے متزلزل کیا ہے۔ پاکستان کے تمام ادارے جمہوری نظام پر یقین رکھتے ہیں اور امن قائم رکھنے کے خواہاں ہیں لیکن اس کا یہ مطلب نہیں کہ ہم کمزور ہیں ہم اپنے ملک کو اندرونی و بیرونی سازشوں سے نجات دلائیں گے ۔ ہماری افواج ملک کے لئے کسی بھی قسم کی قربانی دینے سے دریغ نہیں کرتی ۔