فواد چوہدری نے ناراض اراکین کے بارے میں بڑا اعلان کر دیا، اپوزیشن میں صف ماتم بچھ گیا

منحرف اراکین واپس آرہے ہیں تحریک عدم اعتماد ناکام ہی ہو گی ۔ فواد چوہدری

 

 

 

لاہور ( اعتماد ٹی وی ) فروری 2022 کے آخر میں پیپلز پارٹی نے حکومت مہنگائی کے خلاف عوامی مارچ نکالا جس میں پیپلز پارٹی کے ساتھ ساتھ مسلم لیگ ن اور پاکستان ڈیمو کریٹو پارٹی میں شامل ہو گئی اور انھوں نے حکومتی اتحادیوں کی خرید وفروخت کا سلسلہ شروع کیا اور حکومت کے خلاف تحریک عدم اعتماد چلا دی۔

 

 

اس تحریک کی کامیابی و ناکامی کے متعلق آئے روز کوئی نہ کوئی نیا بیان سامنے آتا ہے۔ حکومتی وزراء کے بیانات میں یہی بات ہوتی ہے کہ یہ تحریک ناکام ہو گی۔

 

 

پنجاب میں وزیرا علیٰ عثمان بزدار کے حوالے سے خبریں گردش کر رہی ہیں کہ وہ پارٹی چھوڑ رہے ہیں اس حوالے سے وزیر اطلا عات فواد چوہدری نے نجی ٹی وی کے پروگرام میں کہا کہ عثمان بزدار کے حوالے سے بات اب 27 اور 28 مارچ کے بعد ہو گی۔

 

 

ابھی ہمارا دھیان صرف 27 مارچ کے جلسے کی جانب ہے۔ چوہدری نثار سے متعلق فواد چوہدری نے کہا کہ ہم نے چوہدری نثار کو پاکستان تحریک انصاف میں شمولیت کی دعوت پہلے بھی دی تھی لیکن انھوں نے منع کر دیا ۔

 

 

اب اگر وہ ہماری جماعت کا حصہ بنتے ہیں تو یہ ہمارے لئے فائدہ مند ہی ہو گا لیکن اس کے متعلق ہمیں غلام سرور کی رائے لینا ضروری ہے۔

 

غلام سرور نے ہمارا بہت ساتھ دیا ہے تو اس وقت ہم ان کو نظر انداز نہیں کر سکتے۔ اس کے ساتھ ساتھ وزیراطلاعات فواد چوہدری نے کہا کہ ہمارے بہت سے منحرف اراکین سے رابطے ہوئے ہیں اور واپس آرہے ہیں 2 یا 3 رکن رہ جائیں گے جن کے متعلق بعد میں فیصلہ کیا جائے گا ۔

 

 

 

اور منحرف ارکان کے ووٹ کے متعلق عدالت میں فیصلہ ہو گا ۔ تحریک عدم اعتماد کی ناکامی کی بعد اپوزیشن کی سیاست ناکام ہونے کے ساتھ ساتھ ختم ہو جائے گی۔