کپل شرما شو پھر سے بند ہو گیا، اصل وجہ کیا بنی شو کو بند کرنے کی کپل نے خود ہی بتا دی۔

بھارت کا معروف شو عارضی طور پر بند کر دیا گیا۔

 

 

آن لائن ( اعتماد ٹی وی) بھارت کا معروف شو جس کا نام “دی کپل شرما شو ” ہے ایک مرتبہ پھر سے بند کر دیا گیا ہے۔ شو کے بند ہونے کی وجہ سے عوام میں ہلچل مچ گئی کہ اس مرتبہ آخر کا ر شو بند ہونے کی کیا وجہ سامنے آئے گی۔ اس سے قبل بھی کپل شرما کا شو دو مرتبہ بند ہوا ہے۔

 

 

لیکن اس وقت ایک مرتبہ ان کے سیٹ پر آگ لگ گئی تھی جس کی وجہ سے شو بند کیا گیا اور دوسری مرتبہ شو کے دوسرے اداکاروں کے ساتھ ان کے اختلافات ہوئے ۔ لیکن یہ دو نوں شو کسی اور نجی ٹی وی چینل پر نشر کیا جاتا تھا۔

 

 

موجودہ ٹی وی چینل پر بھی شو ایک مرتبہ بند کر دیا گیا تھا اس وقت وجہ ساتھی اداکاروں سے تنازع تھا۔ اسی لئے اس مرتبہ شو کے ختم ہونے کا سن کر عوام میں بے چینی پھیل گئی ۔

 

 

لیکن اب کی بار وجہ برُ ی نہیں ہے۔ کپل شرما نے اپنے سوشل میڈیا اکاؤنٹ کے ذریعے بتا یا ہے کہ ان کا دورہ امریکہ شروع ہونے والا ہے جس کی وجہ سے وہ بھارت میں شو کو وقت نہیں دے پائیں گے ۔

 

 

اسی لئے پروڈیوسرز نے یہ فیصلہ کیا ہے کہ شو کو عارضی طور پر بند کر کے کپل شرما کے دورہ امریکہ کے اختتام کے بعد دوبارہ شروع کیا جائے اس وقت شو میں کچھ تبدیلیاں بھی کی جا سکتی ہیں۔