دنیا کا انوکھا مقابلہ حسن منعقد، جان کر آپ بھی دیکھتے ہی رہ جائینگے۔

مقا بلہ حُسن میں اب حشرات بھی شامل

آن لائن ( اعتماد ٹی وی) دنیا بھر میں مختلف ممالک میں مختلف نوعیت کی تقریبات منعقد کی جاتی ہیں جیسے کے کتوں کی دوڑ، بلیوں کا مقابلہ حسن ۔وغیرہ وغیرہ۔ ایسے ہی اب حشرات کا بھی مقابلہ حسن منعقد کیا گیا ۔

برلن میں مقابلہ حسن کا پروگرام منعقد کیا گیا جس میں گھونگھوں کی تصاویر دکھائی گئی۔ یہ مقابلہ آن لائن مقابلہ تھا۔ اس میں آن لائن ووٹنگ کروائی گئی۔ جرمن کے تحقیقی ادارے “سینکنبرگ” نے اس مقابلے میں جیتنے والے گھونگھے کے متعلق اعلان کیا۔

عالمی مقابلہ حسن میں ادارے کی جانب سے تقریباً 50 قسم کے گھونگھوں کی تصاویر منتخب کی گئیں۔
ان 50 تصاویر میں سے صرف 5 تصاویر آخری مرحلے پر آ ن لائن ووٹنگ کے لئے جاری کی گئی۔

ان تصاویر کو ویب سائٹ پر جاری پر کرکے ان کا فیصلہ عوام پر چھوڑا گیا۔ مقابلے کی ووٹنگ کے لئے 25 فروری سے 15 مارچ تک کا وقت متعین کیا گیا۔ اس سروے میں مجموعی طور پر سولہ ہزار ووٹ حاصل ہوئے۔

جس میں سے جیتنے والے گھونگھے نے 10 ہزار ووٹ حاصل کئے۔ 100 میں سے 62 فیصد ووٹ حاصل کرنے کے بعد کیوبا کے گھونگھے نے مقابلہ حسن جیت لیا۔

اس گھونگھے کی لمبائی 20 سے 30 ملی میٹر تک ہے اور یہ کیوبا کے مشرقی علاقے کی تنگ ساحلی پٹی سے لے کر بارانی جنگلوں کے انتہائی خشک مقامات پر پایا جاتا ہے ۔

جیتنے والے گھونگھے کی جنیاتی سلسلہ بندی کی جائے گی جس کے بعد اس کے تحفظ کو یقینی بنانے کی کوشش کی جائے گی۔ گھونگھے کی جلد کالے رنگ کی ہے اور اس کا سپائرل نارنگی اور پیلے رنگ کی دھاریاں بنی ہوئی ہیں۔