ڈرامہ انڈسٹری کے بعد اب فیشن انڈسٹری کا پول کھول دیا گیا، حیرات انگیر حقائق سامنے آگئے

فیشن انڈسٹری میں ماڈلز کے انتخاب کا کوئی معیار نہیں ۔ نادیہ حسین

 

لاہور ( اعتماد ٹی وی ) پاکستان کی نامور اداکارہ و بیوٹیشن نادیہ حسین نے حال ہی میں نجی ٹی وی کے ایک پروگرام میں شرکت کی جس کی میزبانی احسن خان کر رہے تھے۔

 

 

احسن خان کے آج کل ماڈلز کے حوالے سے کئے گئے سوال کے جواب میں نادیہ حسین نے کہا۔ آج کل ماڈلز کے انتخاب کا کوئی معیار نہیں رہا۔

 

اپنے دور میں انھوں نے بتایا کہ ان کی پسندیدہ ماڈلز زینب قیوم اور ونیزہ احمد تھیں۔ جو کہ تعلیم یافتہ ہونے کے ساتھ ساتھ قد کاٹھ میں بھی اچھی تھیں۔اب موجودہ دور میں نہ تو ان کی کوئی کلاس ہے اور نہ ہی شخصیت۔ اس کے ساتھ ساتھ ان کے تعلیمی ریکارڈ کو بھی نظر انداز کر دیا جاتا ہے۔

 

 

نادیہ حسین نے کہا کہ پہلے 70 سے 80فیصد ماڈلز ایسی تھیں جن کا تعلق تعلیم یافتہ گھرانوں سے تھا اور وہ خود بھی تعلیمی معیار رکھتی تھیں۔

 

 

اب اس پیشے میں بھی ہر طرح کی لڑکیوں کو رکھ لیا جاتا ہے۔ اس بات کا خیال بھی نہیں کیا جاتا کہ وہ تعلیم یافتہ ہیں بھی یا نہیں یا ان کا قد فیشن انڈسٹری کے مطابق ہے یا نہیں۔

 

نادیہ حسین کے اس انٹرویو کے بعد سے صارفین نے خؤب تنقید کی اور ایک ماڈل سارہ ذوالفقار نے کہا کہ پرانی اداکارائیں عدم تحفظ کا شکار ہو گئی ہیں۔ اس لئے خود محنت کرنے کے بجائے دوسروں پر انگلیاں اُٹھا رہی ہیں۔ سارہ ذوالفقار نے کہا تعلیم یافتہ گھرانوں میں بھی ایسے افراد ہوتے ہیں جن کو بات کی سمجھ نہیں آتی پر تنقید فرض سمجھ کر کرتے ہیں۔

 

 

اس کے ساتھ ساتھ سارہ نے کہا کہ میں بہت سے نئی ماڈلز کے ساتھ کام کیا ہے لیکن ان کسی سے کوئی شکایت نہیں ہوئی وہ سب بھی محنت سے کام کر رہی ہیں۔

 

 

نادیہ حسین نے اپنے بیان کے کو جسٹفائڈ کرتے ہوئے کہا کہ میں نے تعلیم کی بات کی ہےکسی پر تنقید نہیں کی۔ کوئی بھی تعلیم یافتہ شخص اپنے آپ کو عروج پر لے جا سکتا ہے جب کہ غیر تعلیم یافتہ ایسا نہیں کرسکتا ۔ ان کا موزانہ ایسا ہی ہے جیسے آپ سیب اور کینو کا موازنہ کریں۔