افغانستان حکومت نے عورتوں پر ایک اور پابندی لگا دی

افغانستان حکومت نے خواتین کے لئے ایک اور پابندی لگا دی۔

 

افغانستان میں نئی حکومت کے اقتدار سنبھالنے کے بعد سے افغانستان کی عوام ان سے نالاں ہے افغانستان کی موجودہ حکومت نے عوام کو یقین دلایا کہ وہ خواتین کی تعلیم کو جاری رکھیں گے اور تمام شہریوں کے حقوق کو تحفظ دیا جائے گا۔

 

 

تاہم افغان حکومت اپنے اس وعدے پر قائم نہیں رہی سب سے پہلے انھوں نے بچیوں کی اعلیٰ تعلیم پر روک لگائی اور سکولوں کو بند کر دیا۔ ا س کے بعد سے انھوں نے دفاتر میں خواتین کے کام کرنے پر روک لگا دی اور تمام تر سرکاری اداروں سے خواتین کو نکال دیا گیا ہے ۔

 

 

اس کے ساتھ ساتھ نجی اداروں کو نوٹیفیکشن جاری کئے گئے ہیں کہ خواتین کو نوکریوں سے برخاست کیا جائے۔

 

 

اب انھوں نے ایک اور نئی پابندی عائد کی ہے افغان حکومت نے ائیر پورٹ پر بغیر محرم کے آنے والی عورتوں کے سفر پر پابندی عائد کر دی اور ان کو واپس بھیج دیا ۔ ان خواتین میں سے کچھ دوہری شہریت رکھتی ہیں جبکہ کچھ کا تعلق کینیڈا سے تھا۔

 

 

 

خواتین نے اسلام آباد ، دبئی اور ترکی جانے والی پروازوں میں سفر کرنا تھا ۔ لیکن ہنگامی بنیاد پر یہ پابندی عائد کی گئی۔

 

 

ائیرپورٹ انتظامیہ کی جانب سے کہا گیا کہ وہ اس مسئلے کو حل کرنے کی کوشش کر رہے ہیں۔ اس سے قبل بھی افغان حکومت نے احکامات جاری کئے تھے کہ خواتین 45 میل سے زیادہ فاصلے کا سفر اپنے محرم کے بغیر نہیں کر سکتی لیکن اب انھوں نے ایک نئی پابندی عائد کر دی ہے جو کہ عوام کےلئے کافی مشکل کا باعث بن رہی ہے۔