شاہ زین بگٹی کے جانے کے بعد، فواد چوہدری نے انوکھی منطق پیش کر دی

کسی کا آنا جانا کوئی اہمیت نہیں رکھتا عوام ہمارے ساتھ ہے یہی ہماری کامیابی ہے ۔ فواد چوہدری

 

 

27 مارچ کو پاکستان تحریک انصاف کا تاریخی جلسہ ہوا ہے۔ وفاقی وزیر اطلاعات نے آج ہی پاکستا ن تحریک انصاف کے منحرف رکن شاہ زین بگٹی کے اعلان پر رد عمل کا اظہار کیا ہے۔ انھوں نے کہا کہ پاکستان تحریک انصاف کو ان کے آنے اور جانے کا کوئی فرق نہیں پڑتا ۔

 

 

ایسے لوگ روز آئیں گے روز جائیں گے ہمار ا مقصد عوام کی فلاح ہے عوام ہمارے ساتھ کھڑی ہے جو ہر چیز سے بڑھ کر ہے ۔ ان کی تحریک ناکام ہی ہو گی یہ بس منہ دیکھتے رہ جائیں گے اور جو عزت ان کے پاس ہے اُس سے بھی جائیں گے۔

 

 

شاہ زین بگٹی نے آج کے روز حکومتی اتحاد سے کنارہ کشی کر لی ہے اور پاکستان ڈیموکریٹو موومنٹ میں شمولیت اختیار کر لی ہے ۔

 

پاکستان پیپلز پارٹی کے چئیر مین بلاول بھٹو نے کہا کہ شاہ زین بگٹی نے اچھا فیصلہ کیا ہے حکومت نے ان کے ساتھ تبدیلی کے نام پر مذاق کیا ہے ۔ اور انھوں نے بروقت فیصلہ کر کے اچھا انتخاب کیا ہے ۔ آئندہ وقت ہمارا ہے ۔