وزیر اعلیٰ پنجاب کہیں نہیں جا رہے مخالفین کے لٹکے ہوئے چہرے جلد دیکھنے کو ملیں گے ۔ حسان خاور

لاہور ( اعتماد ٹی وی) حکومت مخالف اتحادی جماعتوں نے آج قومی اسمبلی میں وزیر اعلیٰ پنجاب عثمان بزدار کے خلاف عدم اعتماد کی تحریک پیش کی ہے اور اس تحریک میں وزیر اعلیٰ کی کارکردگی پر تنقید کی گئ ہے۔

 

 

مخالف جماعتوں کے مطابق وزیرا علیٰ پنجا ب کی اب تک کی کارکردگی مایو س کن ہے انھوں نے کرپشن کے ریکارڈ بنائے ہیں اگر منہ کھول دیا تو ان کی پول کھل جائے گی ۔ ان سے اقتدار نہیں سنبھالہ جاتا ۔

 

 

آج وزیر اعلیٰ پنجاب کے معاون خصوصی حسان خاور نے میڈیا سے بات چیت کے دوران بتایا کہ تحریک عدم اعتماد ناکام ہو گی مخالفین کے لٹکے ہوئے چہرےجلد دیکھنے کو ملیں گے۔ ہمارے نمبرز مکمل ہیں۔ اور قوی امید ہے کہ مسلم لیگ ق بھی ہمارے اتحاد میں کھڑی ہو گی۔

 

 

مسلم لیگ ق کو معلوم ہے کہ ن لیگی رہنماؤں سے ہمیشہ ان کے ساتھ وعدہ خلافی کی ہے۔ اس کے ساتھ ساتھ ہمارے پاس مخالفین کو دینے کے لئے بہت سے سرپرائز ہیں۔ اور ان سرپرائز میں سے زیادہ سرپرائز پنجاب سے ہی متعلقہ ہیں۔

 

 

جمع شدہ تحریک عدم اعتماد میں یہ کہا گیا ہے کہ وزیرا علیٰ قومی اسمبلی کے اراکین میں سے اکثریت کے اعتماد کے ووٹ کھو چکے ہیں اب اراکین کو ان پر بالکل اعتماد نہیں رہا۔