افغانستان حکومت نے اپنی پابندیوں کا رخ عورتوں کی جانب میڈیا کی طرف موڑ دیا، بڑی پابندی عائد کر دی

افغانستان کی حکومت نے خواتین پر پابندیوں کے بعد ایک اور جانب نظر کر دی۔

 

آن لائن ( اعتماد ٹی وی ) گزشتہ روز افغانستان کی موجودہ حکومت کی جانب سے خواتین کے بغیر محرم سفر کرنے پر پابندی عائد کر دی گئی۔ اس حوالے سے کوئی لچک بھرا رویہ نہیں دکھایا گیا ۔ اب افغانستان حکومت نے اپنی پابندیوں کا رُخ دوسری جانب کر دیا ہے۔ افغانستان حکومت نے برطانیہ کے بڑے نشریاتی ادارے “بی بی سی” کی نشریات کو بند کر دیا ہے۔

 

 

ذرائع کے مطابق بی بی سی کے تین بڑے چینلز کو بند کر دیا گیا ہے جو تین مختلف زبانوں میں اپنی نشریات جاری رکھے ہوئے تھے۔

 

 

ان میں سے ایک فارسی، ایک پشتو اور ایک چینل ازبک زبان میں اپنی نشریات چلا رہا تھا۔ ان اداروں کو اچانک نشریات بند کر نے کا کہا گیا ہے۔ اس حوالے سے کوئی نوٹس یا وجہ بیان نہیں کی گئی۔

 

 

افغانستان میں موجود بی بی سی کے سربراہ نے بتایا کہ افغانستان کی موجودہ حکومت کا یہ فیصلہ پریشان کن ہے۔ اور لوگوں کے لئے ایسی صورتحال اچھی نہیں ۔

 

 

افغانستان کے لوگوں پر پابندیاں عائد کرنے کے بعد اب سے ان کا رخ میڈیا کی جانب ہو گیا ہے چینلز کے بند ہونے سے اداروں کے ساتھ ساتھ عوام کو بھی نقصان ہو گا۔ کیونکہ ایک اندازے کے مطابق افغانستان کی تقریباً 6 ملین عوام بی بی سی کی نشریات دیکھتی تھی ۔

 

 

افغانستان حکمرانوں کی جانب سے اس حوالے سے کسی قسم کا کوئی بیان نہیں سامنے آیا ۔ اور اقوام متحدہ کی جانب سے بھی افغان حکومت کے اس اقدام کی مذمت کی گئی ہے۔