متحدہ قومی موومنٹ سے حکومت مخالف متحد اراکین کی ملاقات، بڑا اپ سیٹ سامنے آگیا

کراچی ( اعتماد ٹی وی) ذرائع کے مطابق گزشتہ روز ایم کیو ایم سے حکومتی وفد کی ملاقات ہوئی ملاقات کے بعد ایم کیو ایم کی جانب سے سوچنے کا وقت مانگا گیا اور مثبت اشارے دئیے گئے۔

 

 

تاہم آج متحدہ قومی موومنٹ کے رہنماؤں سے حکومت مخالف اتحادیوں کی ملاقات ہوئی ، ملاقات میں معاہدے پر دستخط کئے گئے۔

 

 

معاہدے پر دستخط دونوں جانب سے کئے گئے حکومت مخالف جماعتوں میں سے مولانا فضل رحمان ، بلاول بھٹو زرداری، اختر مینگل ، شہباز شریف اور خالد مقبول صدیقی کے ساتھ خالد مگسی نے دستخط کئے۔

 

 

معاہدے میں یہ تحریر کیا گیا کہ ایم کیو ایم وفاقی کابینہ سے مستعفی ہو جاے گی۔ سندھ حکومت میں آئندہ 30 روز میں بلدیاتی قانون کی ترامیم کا مسودہ تیار کر ے سندھ اسمبلی میں پیش کر ے گی۔

 

 

سند ھ میں جعلی ڈومیسائل بنانے والوں اور وصول کرنے والوں کے خلاف قانونی کاروائی کی جائے گی۔ اس کے لئے معاہدے میں بلدیاتی قانون کو آئین آرٹیکل 140 اے کے تحت بنایا جائے گا۔

 

 

 

نیز مرتضیٰ وہاب بھی اپنے عہدے سے مستعفی ہوں گے اس کے بعد کراچی میں بلدیاتی ایڈمنسٹریٹر کی تقرری کا فیصلہ باہم مشاورت سے کیا جائے گا۔