عثمان بزدار اور عمران خان کے بعد، پرویز الہی بھی اپوزیشن کے شکنجے میں آگیا، اہم انکشافات۔۔۔

تحریک عدم اعتماد مخالفین کے لئے ایک کھیل بن گئی۔
حکومت مخا لف متحد جماعتوں نے 28 مارچ کو

 

 

لاہور ( اعتماد ٹی وی) وزیراعلیٰ پنجاب اور وزیر اعظم عمران خان کے خلاف تحریک عدم اعتماد جمع کروائی جس کے بعد وزیراعلیٰ پنجاب تو مستعفی ہو گئے اور قومی اسمبلی کا اجلاس 31 مارچ تک ملتوی ہو گیا۔

 

حکومت کی جانب سے مسلم لیگ ق کے چوہدری پرویز الہٰی کو وزیراعلیٰ پنجاب بنانے کے لئے نامزد کرنا ہی تھا کہ متحد اپوزیشن کے سینے پر سانپ لوٹ گیا۔

 

 

مسلم لیگ ق کے حکومت کی حمایت کے ہوتے ہی پیپلز پارٹی کے سابق چئیر مین آصف علی زرداری نے متحدہ قومی موومنٹ کو اپنے ساتھ ملا کر وفاق سے استعفیٰ دلو ا دیااور وزیراعلیٰ پنجاب حمزہ شہباز یا علیم خان کو بنانے کا اشارہ دیا۔

 

 

آصف علی زرداری کا کہنا ہے کہ وزیراعلیٰ وہی ہو گا جس کو حکومت مخالف جماعتیں چنیں گی۔

 

 

ذرائع کے مطابق حکومت مخالف متحد جماعتوں نے چوہدری پرویز الہٰی کے خلاف بھی تحریک عدم اعتماد جمع کروانے کے لئے مشاورت شروع کر دی ہے ۔

 

 

آئندہ 48 گھنٹوں میں اس سلسلے میں بھی فیصلہ کر لیا جائے گا۔ چوہدری پرویز الہٰی کے خلاف تحریک عدم اعتماد جمع کروانے میں ن لیگ پیش پیش ہے اس کے لئے ن لیگ نے علیم خان گروپ سے رابطے بڑھانے شروع کر دئیے ہیں۔

 

 

اب سے ملکی سیاست میں تحریک عدم اعتماد کا کھیل کھیلا جائے گا ۔ جس کی مرضی کا حکمران نہیں آئے گا وہ تحریک چلائے گا۔