اسلام آباد (اعتماد ٹی وی) تفصیلات کے مطابق آج بروز اتوار قومی اسمبلی میں وزیرا علیٰ پنجاب کے انتخاب کے ساتھ ساتھ وزیراعظم کے خلاف تحریک عدم اعتماد پر ووٹنگ کی جانے والی تھی وزیراعظم عمران خان نے اس حوالے سے گزشتہ روز عوام سے خطاب کے دوران کہا تھا کہ متحدہ اپوزیشن کو بڑا سرپرائز دیں گے اور عوام بھی انجوائے کر ے گی۔
وزیراعظم عمران خان نے مزید کہا کہ میں استعفیٰ نہیں دونگا اور آخری بال تک ڈٹ کر مقابلہ کرونگا ۔ وزیراعظم کا کہنا ہے کہ پاکستان کے متعلق بیرونی طاقتیں یہ فیصلہ نہیں کریں گی کہ پاکستان میں حکومت کس کی ہو گی ۔ پاکستان ایک آزادی اسلامی جمہوریہ ملک ہے اور اس کی خارجہ پالیسی بھی آزاد ہے ۔
وزیراعظم نے کہا میں اپنے حیات میں پاکستان کو اور پاکستانی عوام کو کسی کا غلام نہیں بننے دونگا ۔ اس کے ساتھ انھوں نے اپنے کارکنا ن کو قومی اسمبلی پہنچنے کی ہدایت دی۔
آج پاکستان تحریک انصاف کے اراکین قومی اسمبلی میں پہنچے اور وزیراعظم کی جانب سے وزیراطلاعات فواد چوہدری ہے تحریک عدم اعتماد کے سلسلے میں ڈپٹی اسپیکر کو بتایا کہ یہ تحریک غیر ملکی سازش ہے جس کے ثبوت بھی موجود ہیں۔
ڈپٹی اسپیکر نے ثبوت دیکھتے ہوئے وزیراعظم کے خلاف پیش کی گئی تحریک عدم اعتماد رد کر دی ۔ جس پر حکومت مخالف جماعتوں نے ڈپٹی اسپیکر کے اس فیصلے کو غیر آئینی قرار دیتے ہوئے اس کے خلاف سپریم کورٹ جانے کا اعلان کیا ۔
دوسری جانب وزیراعظم عمران خان نے قوم کو نئے انتخابات کے لئے تیار رہنے کا کہا اور صدر مملکت کو اسمبلیاں تحلیل کرنے تجویز دی۔ صدر مملکت نے وزیراعظم کی تجویز پر اسمبلیاں تحلیل کر دی۔
